如果你有遇過以上的問題，覺得排隊攞籌好浪費時間的話，有一個 App 或者可以幫到你。呢隻 App 個名叫做 Foodgulu，擁有兩大重點功能，分別為「遙距取票」以及「手機落單」，顧名思義，即係你唔需要親身去到食肆，只需要在 Foodgulu 頁面上選擇心水食肆，就可以直接攞飛，張飛係以 QR code 票號認証，能夠防止假票。而你就可以慢慢留喺屋企，透過 Foodgulu 睇到餐廳的叫飛情況。唔單止咁，當你攞左飛未等到位的時候，亦可以透過 Foodgulu 瀏覽餐牌，如果你分享 QR code 俾其他一齊食野嘅朋友，更可以共同點菜。當你入到食店的時候，只需要直接將列印好的菜單遞俾服務員即可，能夠慳番多啲時間。
▲ 透過 Foodgulu 呢隻 App，你可以「遙距取票」，在手機上觀看叫飛情況 (如左圖)；亦可以「手機落單」，在手機上瀏覽餐單，然後直接落單，比去到食店先慢慢揀野食，更方便和節省時間。
當然，頭先提及到的「遙距取票」以及「手機落單」只不過是 Foodgulu 的重點功能，並不是功能的全部，其他功能還包括「餐廳評分」、「相片分享」、「電子商務」(例如手機付款及電子贈券)、「手機留座」等等。對於平時成日中意飲茶的人來說，呢個 App 都係值得推介的。從功能上來看，呢隻 App 又的確係幾方便，唔知你又點睇呢?
App 下載資訊
◎ App 名稱：Foodgulu
◎ 系統需求：iOS 7.0 以上 / Android 4.0 以上
◎ 下載方式：免費 iTunes Store（香港帳號）/ Google Play