《Live in Five》: YouTube 直播同大家拜個早年
如果你有朋友係住喺外地，咁呢個《Live in Five》App 就至啱你！佢係一隻 YouTube 直播的軟件，只要你下載左呢隻 App，用 Google 帳號登入，即係 Link 番去 YouTube ，然後就可以進行即時轉播，等你可以透過 YouTube 呢個渠道，share 條 Link 俾住在遠方的朋友，同佢地拜個早年。而呢個軟件支援的解像度有 1080p、720p、480p、240p 以及自訂畫質，你可以按照你的網速，調整所需的解像度。另外，同平時 YouTube Upload 片一樣，你都可以改變隱私設定，你中意想同全世界人拜年，你可以選擇「公開」，除此之外仲有「不公開」以及「私人」兩種選擇。
▲ 就算係街，只要有手機，隔住個芒都可以「拜年」。
App 下載資訊
◎ App 名稱：Live in Five
◎ 系統需求：Android 4.3 以上 / iOS 8.0 或以上
◎ 下載方式：免費 Google Play / iTunes (香港帳號)
《小偶 Myidol》：化身 3D 玩偶，同身邊好友 Say 個「恭喜發財」!
《小偶 Myidol》呢隻 App，其實上年已經有，唔係話特別新的軟件。不過咁，版主覺得呢隻 App 其實都幾得意，所以趁住呢個農曆新年，再為大家推介一下。如果話頭先《Live in Five》是「直播式」的拜年，咁呢隻《小偶 Myidol》可以讓你「非直播式」地拜年，而且相當有動感。只要自拍一張相，隻 App 就會將你個樣化身成為一個 3D 的 Q 版公仔，然後你可以改變你角色的造型，例如衣著、髮型等等，然後你亦可以選擇製作一段以「你」為主角的新年 MV 或者短片，share 俾你身邊的朋友，真係好有趣架！
不過版主玩過，發現佢有兩大唔好的地方：佔空間多 + Load 的時間長，呢兩點可以話係呢隻 App 的致命傷，而且 iPhone 版本會比 Android 版本穩定得多。但某程度上佢都可以話係一件「拜年神器」，大家可以不妨試玩下，最多過左個農曆新年之後，咪 del 左佢囉！反正隻 App 係免費嘅！
▲ 你可以自己設計你的造型，亦可以將佢製作成為一段動畫／短片。
App 下載資訊
◎ App 名稱：小偶 Myidol
◎ 系統需求：Android 2.3.3 以上 / iOS 7.0 或以上
◎ 下載方式：免費 Google Play / iTunes (香港帳號)
《新年我要拍大頭貼》：自拍大頭貼！代入不同角色！
《新年我要拍大頭貼》，從字面睇你已經可以好清楚地知道，呢隻 App 可以讓你拍攝大頭照。程式內提供了不同的背景，讓你可以影張相，Key 你個大頭照落去，等你可以扮下財神爺又得，扮下舞獅都得! 影完之後，你亦可以對自己或者好友進行美化，並可以加入精美的裝飾，製作專屬的新年大頭照，你可以當將佢設計成好似一張賀卡咁，再在 Facebook share 出去俾你啲朋友，同佢地講聲「新年快樂」，相互祝福。
App 下載資訊
◎ App 名稱：新年我要拍大頭照
◎ 系統需求：Android 2.3 或以上
◎ 下載方式：免費 Google Play
《宇宙最強揮春》：絕對是懶人必備! 簡單編輯，一按即 share!
對於啲無咁熟的朋友，循例想同佢地拜個年，但又唔想就咁一句「恭喜發財」咁簡單的話，可以點做？呢隻《宇宙最強揮春》絕對滿足到你的需要! 呢隻 App 入面已經有好多整好左的揮春，你亦可以自行創作，改變揮春主題、字體、顏色等格式，仲可以儲存添! 儲存左之後，你直接 share 哂俾你身邊的人，簡單快捷方便! 呢隻 App 絕對適合又要學人 send 祝福、又要懶唔想花心思的人! 唔知你隻 App 啱唔啱你呢?
App 下載資訊
◎ App 名稱：宇宙最強揮春
◎ 系統需求：Android 4.0 或以上
◎ 下載方式：免費 Google Play