心水清的網友應該就會知道，呢款「Google 計算機」就係大部份 Android 手機中內置的計算機。根據 Google PlayStore 上的資料，Google 計算機的上架日期為 2016 年 3 月 30 日，目前版本為 6.0。未上架之前，Google 計算機亦已去到 5.2 版本，你可能會問：剛上架的 6.0 版本同上代有啲乜野唔同呢? 事實上，在計算機的設計上，6.0 版本同 5.2 版本大致相同，然而最新版本最重大的特點是，佢支持 Android Wear! 隨着智能手錶愈來愈流行，Google 計算機能夠支持 Android Wear，這點無疑是一件好事，因此大受好評，PlayStore 評分達至 4.7 分，而且不少用家大讚「好用」!
▲ 可以看到 Play Store 的評分為 4.7 分，而且不少用家的回應都很正面。
Google 計算機提供了基本以及進階的數學計算功能，介面簡單方便易用，除左可以執行加減乘除的基本計算，仲可以進行科學計算，計到 sin cos tan、函數等功能，而且呢類型的計算仲可以應用到 Android Wear 上，即使手上無計算機，都可以透過智能手錶，計算一些較複雜的算式。而家 Google 計算機首次在 Play Store 上架，唔知網友們覺得好唔好用呢?
App 下載資訊
◎ App 名稱：計算機
◎ 系統需求：Android (因裝置而異)
◎ 下載方式：免費 Google Play