工具 001：手機 - ViuTV 應用程式
《ViuTV - 免費電視 99 台》就於今日，正式在 Apple App Store 以及 Google Play 商店上架，利用呢個手機 App，就算你出左街，你都可以跨平台同步觀看電視直播，並且能夠重溫人氣節目。同之前《Viu》的不同之處，《Viu》是一個讓用家追劇的平台，提供韓劇、韓國綜藝節目、日劇等內容，你可以隨時利用 Wi-Fi 下載至本機，無需網絡隨時收看，性質上就同《千尋影視》、《PPS》等 Apps 差不多，而《ViuTV - 免費電視 99 台》，你係可以睇到免費電視台 ViuTV 的內容，就好似 TVB 的《myTV》咁。
ViuTV 主打《跟住矛盾去旅行》、《G-1 格鬥會》等實況娛樂節目，以真人真事真反應，揭露人性最真實的一面。除左呢類實況娛樂節目，仲有綜藝、劇集、資訊、新聞等多元化節目，大家可以有好多不同的選擇。下載《ViuTV - 免費電視 99 台》之後，進入 App 主頁頁面，你可以見到有最多人睇的節目清單，就好似《跟住矛盾去旅行》、《瑪嘉烈與大衛》、《太陽的後裔》等等。
▲ 進入 App 的主頁，你可以看到有最多人睇的電視節目。
左上方會有功能鍵，按進去你可以見到有「主頁」、「重溫」、「直播」、「讀電視」、「節目表」以及「設定」。當你不在家的時候，你除左可以按入「直播」即時追電視節目之外，如果你果日咁啱唔得閒睇，你亦可以選擇「重溫」，追番之前錯過的節目。另外，透過《ViuTV - 免費電視 99 台》，你亦可以睇到一周的節目表，並能夠設定直播提示。至於「讀電視」，相信唔少網友都想知道，到底乜野叫做「讀電視」，其實所謂「讀電視」，即係你可以睇到同該節目有關的文章資訊，有可能率先披露節目熱爆內容。
▲ 左圖為功能列表，你可以見到有「重溫」、「直播」、「讀電視」、「節目表」等功能選擇，而左上方你可以登入會員，建立你的節目收藏以及檢閱播放記錄。而按入「重溫」(右圖)，你可以睇番已經播放左的節目內容。
▲ 你亦可以透過手機 App，即時觀看直播 (左圖)，不過暫時直播訊號正在測試當中，性質上同 TVB 的《myTV》差不多。另外，你亦可以睇到一周的時間表，掌握節目資訊。
▲ 至於「讀電視」，其實就係睇到同該節目有關的文章資訊，有可能會率先披露節目熱爆內容。
App 下載資訊
◎ App 名稱：ViuTV - 免費電視 99 台
◎ 系統需求：Android 4.1 或以上 / iOS 8.0 或以上
◎ 下載方式：免費 Google Play / Apple App Store
工具 002：電腦 - ViuTV 官網
就在剛剛的時候，ViuTV 對佢地的官網進行大更新，只要登上佢地的官網，你就可以享用同手機應用程式《ViuTV - 免費電視 99 台》相同的功能，包括在官網上睇直播、節目內容重溫、「讀電視」以及查看節目表等等，如果你屋企人用電視睇緊大台，而你又好想睇 ViuTV 的節目，又唔想用手機睇片嘥電嘥 data，你亦都可以利用電腦，上 ViuTV 官網，追看 ViuTV 的電視節目。
▲ 主頁上方同樣有「重溫」、「直播」、「讀電視」等選項，而下方則同樣有最多人睇的節目排行。
▲ 手機未睇到直播，唔代表官網睇唔到。
工具 003：電視
在較早之前，nowTV 已經新增左一條 ViuTV 99 台的頻道，如果你有 nowTV 機頂盒的話，就可以 Tune 去 99 台，率先試看 ViuTV 節目。咁如果無 nowTV 機頂盒的話，咁點算? 係咪一定要喺手機或者電腦先可以睇? 唔係。由聽日 (2/4) 凌晨 3 時起，如果你係用緊數碼電視機，亦都可以利用「自動搜尋頻道」功能重新搜台，透過大氣電波接收 ViuTV 99 台訊號。當然，可能有啲老一輩的人會唔識得點樣重新搜台，所以記得要教下你身邊的朋友點 Tune 台!
▲ 有 nowTV 機頂盒，你會發現多左個 99 的頻道，只要 Tune 至 99 台，就可以睇到 ViuTV 的節目。
▲ 而無機頂盒都唔緊要，聽日凌晨 3 時起，只要你係用緊數碼電視，就可以利用「自動搜尋頻道」功能，重新搜台，咁就可以接收到 ViuTV 99 台的訊號。
OTT 手機煲劇：myTV SUPER
開台! myTV SUPER 你一定要知十五個間題
版主 5 步教你搶！3HK 五萬張免費 5GB 4G SIM 卡
谷客＋谷收視 ! TVB + 3HK 聯手 3 月份大派 5GB 免費 SIM 卡
無限上網，變面回歸! 3 香港 推 4G 1Mbps 全月任用
MyTV SUPER 手機計劃登場! 月費 $39 起
力撐 MyTV SUPER! $148 月費包寬頻 + OTT + App 收費電視
光纖寬頻+無限Wi-Fi！「MyTV SUPER」寬頻組合平價登場！
比錢睇大台？學維基、挑樂視 ! TVB Mytv SUPER 月中登場 月費最平 $38
$38 十五條收費頻道任睇! 回答十個 MyTV SUPER 你要知嘅問題
OTT 手機煲劇：NetFlix 使用天書
一個月費，美劇、電影任睇！Netflix 香港版正式啟動
Lycamobile 出動! 平 $13 兼睇有 House of Cards 嘅 Netflix
亞視永恒＋新免費電視：ViuTV 四月開台
PCCW 推出 Viu OTT 視象服務! 樂視、myTV 有新對手了......HKT 香港電訊 正式推出 4K OTT 視像內容服務
亞視提早停播! 睇晒八條 Q&A 要睇新免費電視 ViuTV 無難度
網友公投：ViuTV 同 TVB 大比拼！ 你會揀睇邊台？
ViuTV 手機搶先看! 多套節目獨家追播! 並配上繁中字幕!
搶睇 ViuTV 新免費台！ 網友必記三大日子
OTT 睇片 + 可錄影! NOW TV + 網上行推 all-in-one 4K 盒子!
無亞視睇點算? 收看 ViuTV 必備三大工具，逐一教你完成設定
亞洲電視的最後一天: 佢熄機，你搜台! 睇新免費電視 ViuTV 要知的五件事
亞視執笠四大安排! 網友一人一句，送亞視最後一程!