Android 版的 Google Translate 日前推出了一個全新的實用功能，呢個新功能叫做「Tap to Translate」，讓你可以在任何的應用程式中，唔洗離開 App，即時進行翻譯。就好似你用緊 Whatsapp 同一個外國朋友講緊野咁啦，佢同你講左一些說話，可能你未必睇得明，但唔緊要，只要你選擇你想翻譯的文字，再按「複製」，你就會見到彈出一個翻譯氣泡 (就好似 Facebook Messenger 果個「聊天頭像」功能咁)，點擊氣泡你就可以見到翻譯後的文字，當然你亦可以即時切換翻譯語言，相比之前的更方便。
除左 Android 版有更新之外，iOS 版本亦會加入 Android 版已有的「離線版」功能，不過 Google 表示，將會大大減少軟體大小達 90%，以前下載語言離線包，每種語言可能起碼至少 180MB，而更新後的離線包，每個語言只需 25MB，比現有版本更省空間。
另外，仲有一個重要的更新，就是 Google 將會在 Word Lens (「即時相機」功能) 上加入中文。Word Lens 到底是甚麼功能呢? 好簡單，就是當你下載了「中文 --> 英語」的套件，然後在 Google Translate 中點擊相機，Word Lens 就能夠即時將圖中的中文字，轉換成英文，都幾方便架! 而 Android 版以及 iOS 版的更新檔，將會在未來數天內釋出，想試的話就記得留意住喇!
來源：TNW
App 下載資訊
◎ App 名稱：Google Translate
◎ 系統需求：Android (因裝置而異) / iOS 8.0 或以上
◎ 下載方式：免費 Google Play | iTunes | APKMirror （Android 用家如果心急想試用的話，可以用這條 Link 下載 APK 檔）