新手都可大戰四方城!「麻將天下」全新版本 教你打麻將!

左定坤 (Cho Ting Kwan) 2016-09-23 20:32 | Apps
唔知大家而家仲會唔會有呢啲興趣,版主記得細個果陣,每逢一些大日子,例如農曆新年要做節,成班親戚最興就係開枱大戰四方城。果陣版主屋企人好嚴,唔俾我學打牌,好似覺得識打牌就唔好咁,所以版主一直都唔識玩。後來因為有 PSP,版主偷偷下載了麻將 Game,自己摸索學玩,之後就愈玩愈叻,真係多謝 PSP。如果有網友好似版主以前咁,新手想學下打牌,手機遊戲「麻將天下」日前推出了全新版本,可以幫到你!睇下文啦!

麻將(Facebook).jpg

全新版本的「麻將天下」,新增了不少功能,包括甩牌、叫糊提示、牌例建議、打牌建議以及操作教學等等,對於唔識打麻將的網友,可能連幾時叫糊食糊都未必知道,而且可能唔知道,到底有乜野牌例,或者唔識計有幾多番等等,呢啲新增的功能,就能夠幫助到你,讓你在玩嘅過程中不斷進步。如果你唔係新手,而係休閒麻將玩家或者麻將高手,都無關係,唔係新手嘅你,可以挑戰升級、成就、任務、比賽等等,一樣可以好好玩。


▲ 「麻將天下」新增了打牌建議、牌例建議、叫糊提示等功能。

「麻將天下」揉合了廣東、台灣及日本麻將的元素,在番數計算上,廣東牌嘅清龍、大四喜、十八羅漢當然不會少,而日本麻將嘅大車輪、四暗刻,台灣牌嘅七對子、全帶么等等,都包括在內,令遊戲變化多端,更有挑戰性。另外,因為而家愈來愈多外國人玩麻將,所以「麻將天下」亦都會有英文版本,等佢地都可以玩埋一份。同時,「麻將天下」亦支援大部份的 Android 電視盒遙控,例如樂視、MyGica Enjoy TV 等等,可以用電視 control 黎打牌都無問題。

Screen Shot 2016-09-23 at 8.29.08 PM.png
App 下載資訊
 App 名稱:麻將天下
◎ 系統需求:Android 2.3 或以上 | iOS 6.0 或以上
◎ 下載方式:免費
 Google Play | iTunes
 

最新新聞