全新控制選項，操作方式簡單
點解我會認為玩法簡單呢？首先，操作方式有兩種，一種是用「手勢」，另一種是用「控制桿」以及「按鈕」。就咁講好似好抽象咁。俾個例子大家，好似傳波咁，你可以直接用手指點你想傳波的對象，呢個係相當簡單的方法，同時你亦可以用「控制桿」控制控球員對準你的對友，然後會有三個「按鈕」可以選擇，包括 Pass、Shoot、Sprint & Skill，只要按上「Pass」，就能夠傳球。又如射波咁，你可以按「Shoot」，同時亦可以用手指將個波劃向龍門，入到波就得分。
▲ 你可以利用虛擬控制桿控制控球員，你亦可以借助右邊的三個按鍵／手勢，操控射球、傳球等等。
多種遊戲模式
FIFA Mobile 手機遊戲中，加入了全新 Attack Mode (進攻模式)，呢個進攻模式有啲乜野特別呢？透過 Attack Mode，你可以回合制的方式，與你的對手輪流帶領自己的進攻球員，在對方半場不斷進攻，務求取得更多的入球，打敗對手。而版主個人覺得，Attack Mode 最大的好處就是：夠快！一場遊戲，只需 75 秒就可以完成，平時搭下車玩，絕對適合。而且你要做嘅只係不斷進攻，基本上唔洗點防守（除非你俾對手搶到個波，佢未過你半場之前，你都仲有機會搶番個波番黎），滿足到你不斷射......波的慾望。除了 Attack Mode，FIFA Mobile 亦會有「現場活動」，只要完成簡短的小遊戲，就可以獲取球員物品或者其他代幣獎勵，而呢啲獎勵可以用黎解鎖計劃以兌換心儀球員或者組合包。
▲ 新增了 Attack Mode。
支持聯盟系統，擴大社交圈子
FIFA Mobile 亦都豐富了玩家的社交遊戲體驗，可以讓玩家同好友或者世界各地嘅玩家一齊組織聯盟。在聯盟之間，大家可以互相切磋爭取榮譽，同時亦都可以爭取完成聯盟團隊成就，等你可以大展身手，一展球技。
▲ 要角色到等級 5，才能夠開啟聯盟系統。你可以加入其他人的聯盟，亦可以自行創建。
逼真足球體驗
FIFA Mobile 收錄了超過 30 個聯賽、650 支真實球隊以及數以千計的真實球員，令你有一種更逼真的感覺，好似覺得自己都是球員的一份子，同隊友一齊參加比賽。
版主 Attack Mode 初試牛刀，搶先試玩片段：
▲ 講明先，版主從來未玩過 FIFA，第一次玩所以玩得好廢......講番重點先，呢款 FIFA Mobile 將會在 10 月 12 日正式發行，支持 Apple App Store 以及 Google Play。不過 Android 用家亦都可以透過下面的 apk 檔，搶先試玩。
App 下載資訊
◎ App 名稱：FIFA Mobile
◎ 系統需求：Android 4.1 或以上 | iOS 8.0 或以上 （與 iPhone、iPad 及 iPod Touch 相容）
◎ 下載方式：免費 Google Play | APK 檔 | iTunes