【毒L秘笈】情人節冇女無有怕!五個 Apps 版主教你識女仔!

左定坤 (Cho Ting Kwan) 2017-02-13 19:58 | Apps
喂~各位網友,聽日就係情人節喇!_ 你咩,又講呢啲。拿拿拿,上次版主的確係為有拖拍的網友,揀左一些另一半可能會喜歡的禮物,所以果次都強調「毒 L 慎入」!XD 唔係喎版主,你果篇文,有拖拍就啱姐,無拖拍嘅,又可以點?為左照顧埋無拖拍的網友,版主今次呢篇文章,就正正專係為你而設,親自操筆教你識女仔,一日得手!想知,睇下文啦!

App(Facebook).jpg

講明先,版主呢篇文章係教你識女仔,至於是否能夠得米,還是要睇網友們的表現!不過去到文章尾段嘅時候,版主都會俾少少忠告俾大家嘅~入正題先,想識女仔,但可能本身個人好含蓄內向,好似版主咁,最簡單的方法,就係用 App 識!市面上有好多交友 Apps,版主以前都用過唔少,到底有邊幾款版主覺得比較好用呢?睇過~

識女 App 001: SKOUT
呢款交友 App 有好有唔好,優點係你可以無限製造假身份,唔使用手機號碼 / 電郵驗證都用到,唔一定要用真身同人傾偈; 但同時這亦係一個缺點,如果你一個唔覺意俾對方呃左,對方大可以換過個 account,咁到時你想搵番對方,就唔係咁容易。不過老實講,無論係網上交友抑或 App 交友,本來就係需要小心謹慎,相信唔使版主提,大家都好清楚。SKOUT 其實都有好多人用,而且都比較容易會識到外國朋友。不過要注意,假如你見到一位靚女,但入面叫人 add 佢 line 傾,版主就勸你不要出手,因為通常有兩種情況,一係就詐騙集團,一係就賣按摩 (按乜摩,男士們心照吧 扮型)。

Screen Shot 2017-02-13 at 8.43.57 PM.png

Screen Shot 2017-02-13 at 8.51.40 PM.png
App 下載資訊
 App 名稱:SKOUT
◎ 系統需求:Android 版本因裝置而異 / iOS 8.0 或以上
◎ 下載方式:
免費 Google Play / iTunes (香港帳號)

識女 App 002: BeeTalk
版主唔肯定大家有無聽過呢隻 App,不過版主自己就曾經用過嘅,介面相當簡單易用,不單止可以找對象單對單聊天,同時你亦可以搜尋附近有甚麼群組,同成班網友聊東、聊西。而且,你要加好友,並唔係按個制就可以傾計,而係要對方睇過有興趣,然後 approve 左配對成功先有得傾。可惜的是,目前似乎香港用家還是不太多,反而如果是在台灣的話,就會比較容易認識到對象。

Screen Shot 2017-02-13 at 9.12.12 PM.png

Screen Shot 2017-02-13 at 9.13.12 PM.png
App 下載資訊
 App 名稱:BeeTalk
◎ 系統需求:Android 4.1 或以上 / iOS 7.0 或以上
◎ 下載方式:
免費 Google Play / iTunes (香港帳號)

識女 App 003: WeChat / Line
呢兩個 App,前者多大陸人用,後者多台灣人用,然而,如果港男想識女仔,好多時還是會依賴呢兩個 Apps,而版主個人覺得,WeChat 好似會比 Line 更容易識到女仔。WeChat 同 Line 呢兩隻 App 最重要的功能 - 「附近的人」,能夠幫網友找到附近有用 WeChat / Line 的人,當然如果俾版主的話,梗係有咁近得咁近,方便約出來...... 食個飯姐!千萬別心邪!

Screen Shot 2017-02-13 at 9.15.46 PM.png
App 下載資訊
 App 名稱:WeChat
◎ 系統需求:Android 因裝置而異 / iOS 7.0 或以上
◎ 下載方式:
免費 Google Play / iTunes (香港帳號)

Screen Shot 2017-02-13 at 9.31.22 PM.png
App 下載資訊
 App 名稱:Line
◎ 系統需求:Android 因裝置而異 / iOS 8.0 或以上
◎ 下載方式:
免費 Google Play / iTunes (香港帳號)

識女 App 004: HelloTalk
呢隻 App 其實唔係俾你用來識女仔,不過係可以俾你認識世界唔同各地嘅人,可以 exchange 互相的語言。例如你係香港人,講廣東話,你想學英文,你可以搵番一個想學廣東話嘅英國人學英文,而你就教番佢廣東話。同時,你亦都可以尋找身在香港的外藉人士,喜歡同外國人交流的網友,呢隻 App 既可以幫你學外語,又可以識到朋友,其實確係唔錯。

Screen Shot 2017-02-13 at 9.17.46 PM.png

Screen Shot 2017-02-13 at 9.18.17 PM.png
App 下載資訊
 App 名稱:HelloTalk Learn Languages
◎ 系統需求:Android 4.0 以上 / iOS 7.0 或以上
◎ 下載方式:
免費 Google Play / iTunes (香港帳號)

識女網站: Meetup.com
其實呢個 Meetup 網站係一個朋友介紹俾版主嘅,呢個網站唔係話無 Apps,Apps 一樣有,不過就話有點廢,咁所以我就唔介紹隻 App 了,如果你覺得無問題,就自己 download 啦!總之入到去佢地個網站,功能好齊,你可以按照不同的興趣分類,去認識不同的群組,亦都可以選擇「Calendar」,看看最近有些甚麼活動,例如好似下圖嘅「情人節 2 月 14 日的約會」之類,你都可以報名一齊參與!不過要注意的是,有啲活動係需要自行俾錢嘅,例如 Party 果啲,不過呢樣都好正常!

Screen Shot 2017-02-13 at 8.58.15 PM.png


如果你係女仔,想識男仔,又有乜 App?
如果你係女仔,當然以上的 App 你都一樣可以用,不過其實真係要小心,因為網絡上有太多壞人,就算真係約網友出街,最好都約埋同學仔朋友仔一齊出,咁會安全啲。當然,其實 ePrice.HK Telegram 群組,亦都有好多男網友,歡迎同大家認識一下,不一定淨係交流手機,可以乜都傾,而且大部份網友都是好人,亦是不錯的選擇。

交友注意事項!
1. 識人好多時候都係講第一印象,就算網上交友都係一樣,第一句說話好重要!一般十個有九個都係: 「Hi!想識你,做個 friend 好嗎?」玩開交友 App 的女仔,聽呢啲說話真係聽左無數次,聽都聽到悶,不妨花多啲心思,等佢對你印象深刻啲~

2. 不要太猴急!識女仔同煲湯一樣,需要慢火,不能太急進,否則只會弄巧反拙。

3. 千萬不要抱任何歪念,純粹單純識朋友嘅心態,就好了。

 
最後,祝大家早日找到你的真命天子 / 天女!

最新新聞