Snap Map 的玩法非常簡單，去到好玩有趣的地方，無論係音樂會、餐廳、酒吧，甚至任何活動場地，將好玩片段拍低然後上載。朋友或其他 Snapchat 用戶都可以即時在地圖上睇到，想同朋友甚至更大班人一齊玩，只要睇片再跟住地圖就可以。Snap Map 會以 Heat Map 顯示活動受歡迎程度，藍色代表有人在那裡，紅色則代表很多人正在該處。
Snap Map 在顯示活動地點之餘，點擊朋友頭像就可以跟對方聯絡，在出發前往之前可以事先約好朋友或知道音樂會何時完結。當然，如果你認為私隱好重要，用戶亦可以將行蹤隱藏，或者只顯示予 Snapchat 的朋友，不對外公開，不過就失去玩 Snap Map 的意義。Snap Map 稍後會陸續開放予 Snapchat 用戶，今個暑假唔想自閉匿喺屋企，裝埋 Snapchat 有著數。
資料來源：Snap