仲唔停用?消委會測試 WeChat 唔加密將個人資料傳送第三方

虎仔 / 馬日山 2017-07-18 12:32 | Apps
打開手機數一數,究竟你安裝咗幾多個即時通訊軟件,有幾多經常使用,又有幾多安裝咗只是備用,甚至從未使用?除了經常用到的 WhatsApp、Facebook Messenger、LINE、Telegram、iMessage,其實就連 Snapchat、Instagram、Skype 都擁有即時通訊功能。日前消費者委員會在《選擇》月刊公佈了測試報告,當中來自大陸的微信 WeChat 最危險。

0718-1aFB.jpg

今次的調查報告又歐洲消費者委員組織協調統籌,於今年 1 月至 3 月期間由歐洲一所實驗室進行測試,測試的手機 Apps 共有 13 款,分別來自 Android 和 iOS 共 25 個版本。就 Apps 的功能多樣性、安全度和使用方便程度進行評分,又審視 Apps 會否洩露手機內的敏感資料。當中 Facebook 旗下的 Messenger 和 WhatsApp 以總分 4.5 分排名榜首,至於另一港人常用的韓國軟件 LINE 則因為設有登入機制和個人識別碼,輸入密碼後才可以閱讀訊息,在用戶保障一環評分較高。

值得留意的是,測試的 Apps 仲有一半未有加入點對點加密傳送技術,第三方有機會截取訊息內容,當中包括微信 WeChat、Skype、Snapchat 和 Instagram。消委會更點名微信 WeChat,指它的 Android 版本甚至會把用戶的個人資料傳送至廠商的伺服器和第三方,但傳送過程並未有將數據加密,評分只得 3.5 分。至於 Apple iMessage 因為沒有向用戶說明私隱政策,得分更只得 3 分。

資料來源:《選擇》月刊
 

最新新聞