【緊急檢查】港人轉用 Telegram 保平安? 漏做呢幾步會出事!

YKer 2019-06-12 22:23 | Apps
當時局不穩,大家會突然想起:Telegram。呢幾日又開始陸續見到唔少網友加入 Telegram 平台。Telegram 好似安全過用 WhatsApp、Facebook 同 WeChat。Telegram 又有好多資訊谷 (Group)。 正所謂「谷不能亂入、設不能忘定」,你以為轉用 Telegram 好安全? 傻的嗎? 媒體個個叫你轉,但偏偏忘記提醒你要做多幾個 Steps 先可以做到比較安全同隱身。 如果你已做就最好,但我問 10 個網友,8 個都無做,不得了~

FB.jpg

本人寫呢篇文,係見到有報導某 Telegram 谷管理員被抓,詳情可睇呢到,睇完你會問,乜用 Telegram 差人都會上門架!我就廢話少講,教下你點先做到最保障私隱啦! Telegram 界面原生係英文,無中文界面,你識英文就最好,如果唔識我都會一步一步教你如何設定。

相信絕大部分人安裝 Telegram 都係為了進去 Channel 和 Group,呢兩樣野首先你要分辨清楚:

Channel 係單向接收信息,而且你不需要按下 「Join」都應該要看得到裡面的資訊內容。 當你發現只有按下「Join」才允許你看資訊的話,這個 Channel 需要小心,因為一旦你 Join 了,管理員就可以獲得你的部分信息。

Group 就是「谷」相當於 Whatsapp 的群組,但大部分都係有過百、甚至過千(過萬?)名成員,而且通常你加入的公共谷都係你唔認識的成員為主。同樣地, 你加入谷,管理員就能獲得你部分,甚至全部的私隱信息。所以要慎重考慮是否加入谷,而且透明度高的好谷也應該是不需要 Join 也能看到內容。

photo6055170225797703815.jpg
▲ 拉出 Setting 設定,找到 Privacy and Security 後,就看到上述的界面;你的顏色可能不一樣,但睇內容對應就可以。首先點選 Phone Number 看看。

photo6055170225797703820.jpg
▲ 請按照以上圖片設定為 Nobody 意思是沒有任何陌生人可以看到你的號碼;但如果對方早已經擁有你的號碼,並加入到手機通訊錄,對方亦能查看到你的名字和號碼。然後返回上一頁。

photo6055170225797703815.jpg
▲ 把 Last Seen & Online 最後閱讀和上線狀態也設定為 Nobody 沒有人; 然後 Forwarded Messages、Calls 也是設定為 Nobody 沒有人,這兩個設定是防止你以外的人直接轉發你的信息(上面會有你個名),以及防止不明人士撥號騷擾你。然後打開 Passcode Lock 設定。

photo6055170225797703816.jpg
▲ ​跟住上面設定,Telegram 在一小時後會自動上鎖,需要密碼才能查看對話記錄;你如果不需要做對話 Cap 圖,也可以把 Show App Content in Task Switcher 關掉;提醒你在進行戶外活動時不要選擇指紋解鎖。然後返回上一頁。

photo6055170225797703815.jpg
▲ ​Two-Step Verification 雙重驗證相信大家不陌生,在 Whatsapp 也已經追加了的功能,打開並設定密碼,在 SMS 認證以外多一重保險,防止黑客入侵並登入你的帳號;定期查看 Active Sessions 裝置,建議你定期將使用中以外的裝置都刪除。點擊進去 ​Two-Step Verification 雙重驗證。

photo6055170225797703818.jpg
▲ ​我個人建議不要以常用電郵作為 Set Recovery Email 之地址,避免被無良黑客一舉全數入侵、火燒連環船。

photo6055170225797703817.jpg
▲ ​如果對自己個腦袋有信心,請不要設定 Email 地址,否則就選一個新開 / 提供一個唔多用的 Email 地址。然後返回上一頁。

f6cfceb1-872c-4657-b034-b8d38b41716b.jpg
▲ 拉落去看到 Advanced 進階設定,你可以考慮把賬戶設定為 1 個月後自動關閉帳號,屆時所有記錄和內容都會自動消失;把 Sync Contacts 和 Suggest Frequent Contacts 關閉,取消同步通訊錄和通訊錄建議的功能。


後話
做足嗮上面就代表安全? 未必~ 我發現最大的漏洞其實唔係軟件本身,而係使用者! 例如用指紋解鎖,用簡單密碼如 1234、生日日期等,而且登入唔登出、一個電話登記嗮所有帳號等,都係超級高風險的操作。

某帳號話「咁你有驚D乜呢?你做左D乜唔見得光,要收收埋埋自己,驚俾人知。」 帳號的擁有人 / 組織可能唔明白私隱係乜,本人舉一個例子:「既然你無唔見得光的野,咁姐係乜都可以見光,right? 請你係下面留言,留下你身份證、護照 cap 圖、email 地址和手機號碼、比埋銀行簿 cap 圖睇睇,順便 upload 埋你通訊錄,謝謝」​ 當然,呢個世界無絕對私隱,只更保密和更安全。所以,做得到就做,私得到就隱。
 

最新新聞