全方位手機保護!Torrii 推 iPhone 7 系列 Magloop 保護框 送前後保護貼!
|
手機配件
今代 iPhone 7 / 7 Plus 最受歡迎的顏色,相信是 Jet Black 亮黑色,而部機咁貴買番黎,當然要好好保護佢,但笠左個保護殼,又稍嫌唔夠「原汁原味」,不過又唔可以唔保護,咁可以點做好呢?香港品牌 Torrii,明白大家的需要,推出了 Magloop for iPhone 7 / 7 Plus 金屬保護框,在選料上保護框的外層用上常見於航空工業的鋁合金製作,具備強韌、輕盈、防鏽三大特點,令金屬框堅實耐用之餘,仲可以保持輕巧。而在內層結構方面,Maploop for iPhone 7 / 7 Plus 亦加入了高圍邊以及吸震墊設計,能夠有效提高保護性以及防震能力,可以稱得上是「內外兼備」。
一般「Bumper」就算幾靚都好,但因為裝拆又要用上螺絲以及其他工具,其實相當唔方便。而 Maploop 就無咁嘅問題,特有「磁力開合專利設計」,採用底面裝拆式,配以磁力鎖實邊框,相比其他更加方便。另外,Magloop 用上全電腦數控機床製作,金屬框尺寸與 iPhone 完美配合,所有按鍵、輸入和輸出接口的操作完全不會受到影響。你可能會問:「保護得個邊框,但機背無保護,咁咪好容易會刮花囉?」Torrii 當然唔會希望你的 iPhone 7 / iPhone 7 Plus 咁容易刮花,所以隨金屬框套裝入面,都會額外附送一張可以全面覆蓋屏幕的日本原材料鋼化保護貼,以及一張 PET 背部保護貼,讓 Magloop 可以全方位保護你咁貴買番黎的 iPhone 7 / 7 Plus。
Magloop for iPhone 7 / 7 Plus 保護框一共有四種顏色,分別為銀色、黑色、玫瑰金以及金色,iPhone 7 專用的 Magloop 建議零售價為 $199,而 iPhone 7 Plus 專用的 Magloop 建議零售價則為 $219。唔知網友覺得,呢個價錢又有框又有屏幕 + 機背保護貼,是否合理呢?留言講下啦!