必掃產品 001：手機、相機不可缺少 microSD / SD 卡
很慶幸的是，目前大部份的智能手機，依然能夠支持 microSD 卡擴充，所以儘管有些手機內置可能只有 16GB ROM，但對版主來說，這都不成問題，最重要是可以插 microSD 卡。說到 microSD 卡，比較知名的品牌，一般都是 SanDisk、Toshiba、Kingston，而在今年灣仔電腦節上，可以留意到，隨着網友的需求愈來愈高，8GB 已經不會是大家的考慮，所以可以見到，今年開始無論是 microSD 抑或 SD 記憶卡普遍都是 16GB 起跳，8GB 容量的少之又少。版主行完 SanDisk、Toshiba、Kingston 三間大廠，發現最平售價 $29 起。
▲ SanDisk 攤位位於 N30，電腦節上最便宜的是 SanDisk microSDHC Class 4 的 16GB，賣價為 $33。
▲ 至於 Toshiba 方面，最平係 $29，不過就得 8GB Class 10 microSD (48MB/s)。攤位位於 J01。
▲ Kingston 攤位在 E21-E24，沒有 SanDisk 同 Toshiba 那麼多款式，最平 32GB $65 起。
▲ 以上你可以睇到最齊全、最清楚SanDisk、Toshiba、Kingston microSD / SD 卡的賣價 （只能作參考）。可以留意到，今年大部份記憶卡都是由 16GB 起跳。
必掃產品 002：Pokemon Go 必備尿袋！
最近流行《Pokemon Go》，版主都曾經是訓練員的一份子，不過後來因為沒有那麼多時間，所以放棄了。雖然我沒有再玩，但並不代表全香港人都不玩，版主昨晚才見到有網友在討論谷中討論，表示玩《Pokemon Go》經常玩到沒有電，想換部大電一些的手機。但要我說的話，我寧願買一兩個尿袋，作為後備電之用。而在電腦節上，又有沒有甚麼平價尿袋出售呢？首先看看大品牌如何，在 E31 一個 Magic Pro 特賣場的攤位上，可以見到不少手機配件出售，而且標榜「低至三折起」，但包唔包括尿袋呢？版主覺得最抵的，應該是 ProMini 6000，剛推出的時候建議零售價要 $399，雙插口最大輸出 2.1A，同時使用就 1A + 1A，現在電腦節上 $60 就有交易，而且買兩個亦只需要 $100。$100 加埋有 12000mAh，相信玩 Pokemon 都夠哂用！
▲ ProMini 6000 寫就原價 $299，但版主上網 check 過，剛推出時建議零售價都要 $399，差不多四百，現在一舊水還可以買到兩個，真的很超值唷！雖然款係舊了一點，但其實都係為充電，對於版主來說，絕對接受到。你呢？
▲ 昨日同大家提過，有個 E32 攤位是小米的代理商，專賣香港小米行貨。同場其實還有另一間專買小米產品的攤位，除了有香港行貨，就連香港未推出的，好似 20000mAh 電的小米尿袋，都有水貨買。而且買小米尿袋，仲會送尿袋套以及 USB 風扇，你會唔會幫襯下？
▲ 在 Q21、Q23 有個攤位，除了會賣 X Power 等配件之外，亦有 Anker 產品發售。當中包括 Anker 15600mAh 尿袋，賣 $238，有 3A 輸出；而 X Power 亦有一款 13600mAh 的 5-port 充電器，可以同時為 5 個裝置充電，賣 $258。你又覺得抵唔抵呢？
▲ 肥仔開倉清貨，平過深水埗，唔洗上淘寶！相信這句大家都已經耳熟能詳，在電腦節 E17 - E20，就有「肥仔開倉」的攤位，推出了精靈訓練員推廣套裝，$250 有 Remax 20000mAh 尿袋一個、Remax RC-34 皮線一條以及 Ring Holder 一個。呢個真係好超值，但用到幾耐就......
必掃產品 003：外置 Hard Disk
除了記憶卡之外，專為電腦而設的 Hard Disk，在電腦節上其實都相當受歡迎。外置 Hard Disk 最不能不留意的品牌，相信應該是 WD，當中折扣最多的，應該是 My Passport Wireless Pro 2.5 吋 Wi-Fi 行動儲存硬碟，支持 USB 3.0，有 2TB、3TB 兩個選擇，其中 3TB 優惠更達 $700，賣價為 $1999，有 2 年保。另外，同場還有其他 2.5 吋、3 吋的 Hard Disk 出售。除了 WD，Seagate 這個外置硬碟品牌，亦是值得注意的，最平 $379 有交易。大家可以去睇下。
▲ Seagate 攤位在 M11-M12，最平 $379 有交易。
▲ WD 都是外置儲存硬碟的大品牌之一，購買 My Passport Wireless Pro，折扣最多。
以下為電腦節 2016 ePrice.HK 即時報價系統（以下價錢只作參考）：
▲ 以上報價系統，可以根據類別選擇產品，會不定期更新。網友亦可以隨時報價給版主，到時版主都會在系統中更新。
更多香港電腦節 2016 優惠相關文章
[電腦節16] 數六大荀貨：七百蚊有找 Win10 平板 | 旗艦手機千四蚊
版主教路：電腦節 2016 免費入場！精選貨品最平 $1 有交易！
格到至著數！電腦節 2016 ePrice 即時報價，包你無蝕底！
【電腦節 16】 手機三寶格價：記憶卡 + 尿袋 + 外置 HD 會場最荀價？
2 年數據比較！免做「水魚」！版主教你揀 電腦節 2016 真正減價貨
電腦節 2016 華碩新舊手機「大特價」？小心中伏！快充尿袋貴過原價！