千元價位 4G 雙卡! Samsung Galaxy J1 對決大牌子入門機

Lawrence 2015-02-26 19:56 | Samsung
當目前高階 Android 手機可以再進步的空間唔大時,平價千元價位 4G 機似乎就成為左各大手機牌子的下一個必爭之地。繼剛剛 Sony 發佈左預計賣價千一蚊,可以玩到 4G 的 Sony Xperia E4g 同埋大玩曲面背蓋的 LG Spirit LTE 以及用上 Android 5.0 的 Moto 的新一代 Moto E 外,想不到 Samsung 都打算出新機而且快將開賣!今日發佈的新機 Galaxy J1 以平價雙卡雙待為賣點 ,價錢一樣係千元價位!有興趣的朋友就睇埋下文啦。

//timgm.eprice.com.hk/hk/mobile/img/2015-02/26/201198/lawrencelaw_1_4523_c1dbb003afb28cbc4dd47cc432f832f4.jpeg

話明係千元價位平價機, Samsung 今次新出的 Galaxy J1 係外型上設計簡約,有黑白兩色可以選擇,厚度有 8.9mm 但只重 122g 。但係講到硬件規格呢方面 Galaxy J1 實在不算突出,除左具備雙卡雙待與 4G LTE Cat 4 制式(下載速度最高有 150 Mbps ),係頻段上支援 FDD-LTE 800 、 900 、 1800 、 2100 同 2600 外。係屏幕方面 Galaxy J1 只係採用 4.3 吋 800 x 480 解像度屏幕,而處理器就係 Marvell PXA1908 1.2GHz 處理器配上 768MB RAM 同埋 4GB 內置容量但支援 MicroSD 卡(最大 128GB)。相機方面是 500 萬像素主鏡頭與 200 萬像素前鏡頭,雖然只支援到 720p 影片拍攝但勝在有「手掌自拍( Palm Selfie )」功能,只要向鏡頭張開手掌或發出「cheese」或其他話音指令,便可觸動快門,輕鬆自拍歡欣照片。最後 Galaxy J1 電池量不多只有 1850mAh ,但可以換電。

//timgm.eprice.com.hk/hk/mobile/img/2015-02/26/201198/lawrencelaw_1_4523_3f987d4ca4f6bac9c86412eca61627ac.jpg

Samsung Galaxy J1 將會係 3 月 3 日正式開賣,定價係 $1298 ( 2 月 27 日,三星官方更正為 $1398 )。坦白講,版主覺得 Samsung Galaxy J1 價錢雖然唔係話好高仲支援雙卡 4G ,但係規格真係麻麻地。 4.3 吋 800 x 480 解像度的屏幕而家應該唔係好多人接受到,而且連 1GB RAM 都無,內置容量又只係得 4GB ,能否吸引到人買實在成問題。不過既然係大牌子出品, Galaxy J1 應該仍然有一定號召力嘅。最後 Sony 的 Xperia E4g 、 LG Spirit LTE 同 Moto 的 Moto E 雖然暫時尚未正式公佈係香港的開賣日期,但唔知大家又覺得 4 大牌子推出的千元價位 4G 機加埋已經係香港發售緊的小米 紅米 2 相比邊部比較吸引呢?入下圖會見到詳細比拼,大家不妨留言分享下啦。

//timgm.eprice.com.hk/hk/mobile/img/2015-02/26/201198/lawrencelaw_5_4523_f1466465793c5c5169a7c2d4ba584a34.jpg

在文章發佈時, Samsung Galaxy J1 將於 3 月 3 日在香港開賣,定價 $1398 ,按此看詳細規格及最新賣價。
在文章發佈時,紅米 2 定價 HK$ 899 ,按此看詳細規格及最新賣價。
在文章發佈時,Sony Xperia E4g 仍未在香港開賣,按此看詳細規格及最新賣價。
在文章發佈時,Moto E 2015 年 4G 版仍未在香港開賣,按此看詳細規格及最新賣價。
在文章刊登時,LG Spirit LTE 在香港未有定價。按這裡有更詳細規格及最新報價

相關產品 (1)

相關報導 (1)

千元價位 4G 雙卡! Samsung Galaxy J1 對決大牌子入門機

千元價位 4G 雙卡! Samsung Galaxy J1 對決大牌子入門機

當目前高階Android手機可以再進步的空間唔大時,平價千元價位4G機似乎就成為左各大手機牌子的下一個必爭之地Samsung就準備好出新機而且快將開賣!新機GalaxyJ1以平價雙卡雙待為賣點,價錢一樣係千元價位!有興趣的朋友就睇埋下文啦。

Lawrence | 2015-02-26

最新新聞