想買 Galaxy S6 / S6 Edge 又驚爆芒?呢樣可能幫到你

Lawrence 2015-04-01 21:51 | Samsung
今日 Samsung Galaxy S6 同 S6 Edge 就推出左,可能因為賣價比預期低少少的關係唔少網友都好似有意欲入手玩下!(版主試玩時都覺得今次 Samsung 的手機真係比人感覺耳目一新)不過,講到應該係邊到入手,除左價錢之外,係買 S6 或者 S6 Edge 時大家可能仲有多一個因素要考慮,就係當爆左芒時究竟能否免費換新芒。今次有間電訊商就醒目啦,推出左個「爆芒換新」服務,想知服務內容吸唔吸引?睇左你就知!

//timgm.eprice.com.hk/hk/mobile/img/2015-04/01/201558/lawrencelaw_3_4523_b3449ee37d78ff21908f730b03540e22.jpg
▲ 其實⋯⋯ S6 同 S6 Edge 的機背都係用玻璃材質,點解 Smartone 又唔包埋呢?icon

一年內免費幫你換新芒!「爆芒換新」服務算唔算抵玩?

邊間電訊商咁有創意推出呢個「爆芒換新」服務呢?答案就係 Smartone 啦!剛剛 Smartone 就公佈左呢個專為 Samsung 兩部旗艦而設的計劃,內容就提到:如果客戶的 S6 或者 S6 Edge 意外爆芒,係買機後首 12 個月就可以用「爆芒換新」服務免費換個新屏幕,嫌保障時期只得一年唔夠長,你亦可以加多 HK$300 延長至 24 個月保障期嘅。不過,「爆芒換新」服務只係會補償屏幕維修或者更換費用一次咁多,大家唔好諗住可以無限爆芒無限換新呀!

至於點樣可以免費得到呢個服務呢?其實都好簡單,只要你簽 6GB 或以上超貼心智能手機計劃去出 Galaxy S6 / S6 Edge 就可以得到呢個服務啦!(換言之即係要用最少 $518 的月費計劃)。唔知今次呢個「爆芒換新」服務大家又覺得適唔適合你呢?留言講講啦!icon

(話說版主今日試機時唔小心掉左部 S6 落地下,好彩無整爛到,所以 S6 其實都唔算好易爛芒嘅!如果大家想親手試下 Galaxy S6 同埋 S6 Edge 係咪咁脆弱,當然要報名參加 ePrice Samsung Galaxy S6 / S6 Edge 體驗日啦!有機會贏得 Samsung GALAXY S6 一部㗎!!!icon

詳情: Smartone
Samsung Galaxy S6  將於 4 月 10 日開賣,定價為 $5698 ,按此看詳細規格和最新賣價。
Samsung Galaxy S6 Edge 將於 4 月 10 日開賣,定價為 $6598 起,按此看詳細規格和最新賣價。

最新新聞