平大鋪兩千! Samsung S6 + Note 4 場內價四千有找抵唔抵?

Lawrence 2015-06-20 03:26 | Samsung
之前就同大家分享過 Samsung 將大鋪做緊的 S6 Edge 九折優惠抽起,可能大家都會好失望。之不過,當大鋪買 Samsung 機無得減價的時候,先達場內的 Galaxy Note 4 以及 Galaxy S6 價錢卻不斷下跌,最平四千蚊都唔使!竟然可以平咁多,大家真係要留意啦!



Galaxy S6 大鋪無得減,Note 4 快將無貨?

首先同大家講講 Samsung 旗艦 Galaxy S6 、 Note 4 係大鋪目前的情況先。 Note 4 雖然已推出好一段日子,但係只有雙卡版減至 $5498 ,而單卡 32GB 版本卻仍然維持係 $5998 呢個價位。即使而家大鋪發動劈價戰但價錢仍然企得硬。不但如價錢不減,版主近排問價時不少店員都表示其實 Note 4 存貨已經很少,部份顏色更加未必有。雖然有可能只係個別情況,但可以見到 Samsung 的確係有可能會提早推出 Note 5 啊!

而係 Galaxy S6 方面,係大鋪來講價錢就更「堅挺」了。雖然係之前的大鋪九折優惠期間版主試過係其中一間到問到九折優惠,但隨住 Samsung 唔準大鋪用九折促鋪後, Galaxy S6 回復返 $5698 呢個價位了。縱觀一眾今年旗艦, Samsung 的 S6 的確係唯一一部無減過的!

場內水機平大鋪兩千,但細節要注意

好,場景又轉來先達,對比起大鋪仍然膠著的賣價,場內 Galaxy S6 以及  Note 4 相距價錢居然可以平近兩千!係場內,水價的 Galaxy Note 4 版主之前都分享過,最平大約只係 $3780 ,目前價位無大變動。反而 Galaxy S6 跌得多了, 5 月頭的時候, Galaxy S6 水貨價大約係 $4780 左右,但到近日就只需 $3980 !點解可以咁平呢?最主要的原因就係呢個價位上細鋪所賣的場內叫做「歐版機」。歐版的 Galaxy S6 除左只係得單卡之外,更重要就係因為制式問題而不能用到 4G 的,所以大家係入手前真係要留意清楚!如果想穩陣少少的話都有用到 4G 的水貨版,大約係 $4180 。當然,兩款機都有「場內行貨」可以選擇, Galaxy S6 大約為 $5100 而 Galaxy Note 4 雙卡大約要 $4700 、單卡 $4980 。最後都係提多句,雖然價錢上吸引力比起大鋪大唔少,但真係入手前還是要多了解先啊!

//timgm.eprice.com.hk/hk/mobile/img/2015-06/20/202415/lawrencelaw_3_4523_41e46945dbad72efb22f05adbd5290f1.jpg
同 S6 Edge 相比,場內 Galaxy S6 的價錢真係平不少,唔通雙曲面屏幕真係吸引啲?

//timgm.eprice.com.hk/hk/mobile/img/2015-06/20/202415/lawrencelaw_3_4523_463ed5740438adc326b6180cb92c6720.jpg
Galaxy Note 4 場內行貨仍然係四千頂呢個價位。

在文章刊登時,Samsung Galaxy S6 賣價為  $5698,按這裡有詳細規格及最新賣價
在文章刊登時,Samsung Galaxy Note 4 賣價為  $5998,按這裡有詳細規格及最新賣價
在文章刊登時,Samsung Galaxy Note 4 Dual SIM 賣價為 $5498,按這裡有詳細介紹及最新賣價

最新新聞