▲ 見到 A8 推出,版主第一時間係諗,如果佢係用 Exynos 5430 而非 Qualcomm S615 ,會否成為大熱機種呢?
Samsung Galaxy A8 登場,開賣價 $3798
之前 YK 就同大家預告過 Samsung Galaxy A 系列最新的 A8 會係 7 月 31 號同大家見面。係外型上 A8 以 5.9mm 激薄機身同埋金屬邊框作為賣點。係硬件方面 5.7 吋 S-AMOLEd 大芒同埋 F/1.9 大光圈相機、指紋解鎖以及支援中港 3G/4G ,如果話佢係平價大芒版 Galaxy S6 某程度上都無錯。不過咁,呢部機最大的問題可能係佢未有跟隨台版用上自家的 Exynos 5430 處理器,反而用左評價相當一般的 Qualcomm S615 。定價 $3798 換來 S615 手機又是否能夠令大家都覺得抵玩呢?
同門 Galaxy A7 、 A5 大鋪減價,全部平五百
會提出以上問題原因當然係因為同樣用上 S615 處理器,同樣係支援中港 3G/4G 的 Samsung Galaxy A7 已經減價啦!其實 Galaxy A7 同係上年年尾推出的 Galaxy A5 一樣,本身定價雖然唔算好平,但因為外型討好,支援五模十頻,成為左喜歡輕薄型手機的朋友們的首選。同 A8 相比,雖然係相機方面 A7 未有 F/1.9 大光圈 1600 萬像素相機,又沒有指紋解鎖,但係勝在有 5.5 吋 FHD 大芒同時係硬件上跟 A8 相近,同樣係 S615 處理器配 2GB RAM 以及 16GB 內置容量,相機都有 1300 萬像素主鏡頭以及 500 萬像素前鏡,電池都有 2600mAh 。係賣價方面,係大鋪減價後 Galaxy A5 就由 $2898 減至 $2398 ,而 Galaxy A7 賣價就更吸引了!由 $3498 減至 $2898 ,如果以性價比來看的話個人覺得而家的 Galaxy A7 比起剛開賣的 Galaxy A8 高唔少啊!大家不妨睇左以下三部 Galaxy A 系列手機的規格比拼後再講講邊部最令你感興趣啦!
▲ 雖而 A5 的規格現時看來係有點不足,但初推出時係幾受歡迎的。
▲ 同樣的定位由 A8 代替後, A7 即時跌穿三千,性價比感覺上高了不少。
▲ Click 入去可以睇到今次提到三部手機的規格。
在文章發佈的時侯,Samsung Galaxy A8 賣價為 $3798,按此看詳細規格和最新賣價。
在文章發佈的時侯,Samsung Galaxy A7 賣價為 $2998,按此看詳細規格和最新賣價。
在文章發佈的時侯,Samsung Galaxy A5 賣價為 $2398,按此看詳細規格和最新賣價。