深水埗電腦節手機都減！三星 Galaxy 行機全線劈價， Note 4 、 A8 有份！

Lawrence 2015-08-20 20:24 | Samsung

話說呢排就係深水埗高登黃金就搞緊腦場夏日電腦節，現場當然人頭湧湧熱鬧非常啦！如果有意入現場入手平野的朋友除左要留意版主網友格價一文之外，其實手機平板都可會帶到驚喜比大家。因為黃金場內其實有細鋪都有賣行貨手機，而 Samsung Galaxy 系列手機佢哋更加襯電腦節全線劈價，新機好似 Galaxy A8 都有份！有意掃平貨的朋友又點可以唔留意呢？

深水埗腦場電腦節手機都減價！揀旗艦定高性價比中階機？

Samsung 呢排啲機興玩企硬唔減價相信大家都知，好似年頭出的旗艦 Galaxy S6 同埋 S6 edge 都要到近排 Note 5 以及 S6 edge+ 就快出先肯正式減價。對於有意入手的朋友來講想用平少少的價錢來入手真係唔容易，所以除左用上台優惠之外比較著數的買機方法可能就係到細鋪買行機了。今次黃金場內細鋪將 Samsung Galaxy 系列手機減價可能就係一個入手良機，因為除左比較舊的機種好似 Galaxy A5 同埋 Galaxy Note 4 之外，新少少的好似 Galaxy S6 、 S6 edge 同埋 A8 都有份。而家再講講價錢先。

係旗艦方面，坦白講價錢未算減得好勁。好似 Galaxy Note 4 16GB 版本價錢都要 $4680 ，而 Galaxy S6 就要 $4680 同埋 32GB 版 S6 edge 32GB 版本都要 $5880 同埋 64GB 版要 $6680 ，其實減價幅度未及之前係鴨寮街做照價再減的細鋪。不過，今次腦場減價勝在機種夠多，好像呢一刻來講都仍然係 Samsung 最新的 Galaxy A8 都有減，只需 $3380 ，新機可以平足四百都算係吸引嘅。另外同屬 A 系列的 A5 都只需 $2080 ，比起而家大鋪 Galaxy A3 的賣價還要便宜啊！唔知大家呢排行電腦節又有沒有甚麼好收穫呢？有的話不妨都分享下啦！


▲ 個人認為係一眾 Samsung 手機中， A 系列兩部機個價錢算係不錯的。


▲除左上面有提過的手機之外，其實 J1 都有平。

在文章發佈的時侯， Samsung Galaxy S6 (32GB) 定價 $4,998 ，按此看詳細規格和最新賣價。
在文章發佈的時侯， Samsung Galaxy S6 Edge (32GB) 定價 $5,998 ，按此看詳細規格和最新賣價。
在文章發佈的時侯， Samsung Galaxy S6 Edge (64GB) 定價 $6,998 ，按此看詳細規格和最新賣價。
在文章發佈的時侯， Samsung Galaxy Note 4 Dual SIM 定價 $4,998 ，按此看詳細規格和最新賣價。
在文章發佈的時侯， Samsung Galaxy A8 定價 $3,798 ，按此看詳細規格和最新賣價。
在文章發佈的時侯， Samsung Galaxy A5 定價 $2,398 ，按此看詳細規格和最新賣價。