Galaxy S7 Edge 相信會喺 2016 年度嘅旗艦手機之一。在外型方面，Galaxy S7 Edge 有傳會延續 Galaxy S6 Edge 的風格，同樣會採用 Super AMOLED 全高清曲面屏幕，機身物料方面亦傳將會採用更堅硬嘅鎂合金，並會用到長方型尖角嘅機身，左邊會有音量鍵，而右邊會有開關鍵。另外 Sim 卡槽將會在手機的上方，底部將會有 Type-C USB 3.0 插槽以及 3.5mm 耳機孔，唔知大家想唔想像到部機係點嘅樣呢? 想像唔到唔緊要，以下版主會俾大家睇下 Samsung Galaxy S7 Edge 設計概念嘅短片，你睇完就會一目了然。
▲ 有關 Samsung Galaxy S7 Edge 設計概念嘅短片。
而在規格方面，根據外媒嘅消息，Galaxy S7 Edge 傳會配備 4GB RAM，並會採用 Qualcomm Snapdragon 820 處理器。在相機方面，Galaxy S7 Edge 可能會配備 2100 萬像素主鏡頭及 800 萬像素前置鏡頭，相比 Galaxy S6 Edge 嘅 1600 萬像素主鏡頭同 500 萬像素前置鏡頭，Galaxy S7 Edge 或者有望成為新一代「相機王者」! 不過呢樣都係要到時有機做下比較先知!
以上嘅資料目前尚未確實，只供大家參考! 如果各位 Samsung 嘅支持者所了解有關 Galaxy S7 Edge 嘅準確資料，咁大家就要等 Samsung 嘅消息喇! 另外，呢部 Galaxy S7 Edge 有傳將會於 2016 年 2 月或者 3 月推出，大家會唔會期待呢?
來源：NeuroGadget | Venture Capital Post | Latinos Post | Yibada