搶唔到平價 Note 4？還有更平的 Galaxy A8「快閃優惠」
無錯啦！今次 Galaxy A8 大清貨又係由 3HK 搞。再有優惠的原因，佢哋係新聞稿就提到因為見上次 G4 Stylus 以及 G4c 兩部機優惠反應不俗，所以再來多次！（不過版主點睇都覺得「3仔」係想清貨居多）。其實，係減價幅度上，「快閃淨機優惠」算係幾唔錯的，除左 G4 系列兩部平價千元機之外，連 C5 Ultra 都係有 4 折即減優惠。所以 Galaxy A8 都唔例外，價錢同樣有好大吸引力。雖然 Galaxy A8 係 3HK 的「快閃淨機優惠」之中，唔似得之前的手機可以做到四折優惠。但都有「即減 $2000」，賣價為 $1598 ，呢個價錢再計返現時 Galaxy A8 定價 $3598 ，都有四五折。如果大家之前都有留意到 3HK 個快閃淨機優惠的話，都知道 3HK 唔會唔好人比大家任買機，呢個優惠都係限時兼限量的。係活動詳情方面，「快閃淨機優惠」一樣會係星期六（ 2 月 6 號）舉行，地點都係銅鑼灣景隆街 1 號的 3HK 門市。係優惠時間方面，因為 3HK 今次都無講明幾時開始，所以上午 10:30 開鋪時就可以買到。而優惠價買到的 Galaxy A8 數量就有 50 部。上星期 Smartone 開了網上商店之後，將 Galaxy Note 4 以及 Note Edge 做大平賣，但好快就被搶購一空，不少網友都失望而回。唔知大家又會唔會改為考慮 A8 呢？
▲ 現時 Galaxy A8 係大鋪都仲賣緊三千蚊左右（蘇寧會平少少），但電訊商就已經用兩千有找的方式促銷，反差都幾大。
相近價位又有無其他選擇？
其實，以 $1598 呢個價錢， Galaxy A8要揾到規格相近的行貨對手並不容易，比較接近的選擇可以留意 Asus 的 Zenfone 。定價只係中低階價位的 Zenfone Selfie 係處理器上同 A8 一樣係 S615 ，而 FHD 解像度屏幕都有 5.5 吋。而家係大鋪賣價 $1799 ，都仍然係貴少少。
▲Zenfone Selfie 先係 csl 做即減 $200 ，及後大鋪已經跟上，但有興趣的朋友又會唔會等佢再跌價先入手？
3HK 「快閃淨機優惠」詳情：
優惠內容：Samsung Galaxy A8 四五折 $1598活動日期: 2016 年 2 月 6 日
活動時間: 上午 10 時 30 分
活動地點: 銅鑼灣景隆街1 號地下A及D舖
* Samsung Galaxy A8 限售各 50 部，售完即止。
在文章發佈時，Samsung Galaxy A8 價錢為 $2998 ，按此看手機詳細規格及最新賣價。
在文章發佈時，Asus Zenfone Selfie 價錢為 $1799，按此看手機詳細規格及最新賣價。