吸引力大多了!中聯通第二輪減價 Samsung 旗艦有份!
係今日( 2 月 4 號)中聯通就有第一輪「精選淨手機優惠」,當中「精選」左一批「極品」好似 Samsung Galaxy Ace 2 、 HTC Desire 616 以及 iPhone 5c(8GB 版)等等。講真果句,對於有一定要求的用家來講,簡直係得啖笑!不過,情況到左而家就有 180 度的變化。因為係第二輪「精選淨手機優惠」當中,優惠手機除左係旗艦款色之外,價錢仲相當有競爭力。第二輪「精選淨手機優惠」多左嘅新機有 Samsung Galaxy S6 edge 、 Galaxy S6 、 Galaxy Note 4 以及華為 Mate 7 。中聯通強調全部都係以淨機不用簽約的方式發售,所以我哋不妨以現時大鋪又或者係呢排當紅的 Smartone 網店做個比一比!係上述手機當中,以 Galaxy S6 edge 價錢最貴,現時大鋪價都只係減左八百蚊,賣 $4898 。而 Smartone 網店即使價錢再平少少,都仲要 $4598 。但係今次中聯通賣價就只係 $4080 ,亦即係「即減 $1600」!
▲ Galaxy S6 edge 係 Smartone 網店價錢其實算係平,但都唔夠中聯通今次優惠抵。
另外, Galaxy S6 亦都值得留意,目前不論係 csl 還是 Smartone 網店都沒有賣,所以價錢只能參考大鋪了。目前 Galaxy S6 係大鋪賣價都要四千蚊樓上,而中聯通優惠價錢就只係 $3680 ,算係有一定吸引力。而係 Note 4 方面,雖然以 Smartone 網店價錢最抵,佢嘅「超級優惠價」只係 $2499 。不過,而家 Smartone 網店已經無左 Galaxy Note 4 以及 Note Edge 的蹤影,仲等緊嘅朋友唯有向前看了。今次聯通優惠價就賣 $3299 ,仲想入手 Note 4 的朋友又會不會考慮?大家都留言講講吧!
▲ 華為 Mate 7 都有減價,落到 $2299 ,從圖片可見應該係金色加強版,現時大鋪賣價仍要 $3498 ,所以中聯通這個價錢也是比大鋪平了千一蚊!
中國聯通香港 精選淨手機優惠 活動詳情:
活動日期: 2016 年 2 月 5 日活動地點: 智昌路 3 號上水中心購物商場 2 樓 2027 號舖
各款手機限量發售,售完即止。
在文章發佈時, Samsung Galaxy S6 edge 32GB 版本價錢為 $4898 ,按此看手機詳細規格及最新賣價。
在文章發佈時, Samsung Galaxy S6 價錢為 $4198 ,按此看手機詳細規格及最新賣價。
在文章發佈時, Samsung Galaxy Note 4 Dual SIM 賣價為 $4998 ,接此看手機詳細規格及最新賣價。