中聯通再搞「情人節優惠」！其實係「炒冷飯」？
先要強調，雖然今次中聯通的「情人節優惠」明顯係舊酒新瓶，沒甚麼驚喜可言，但吸引力亦未必係咁差。講清楚啲，呢個「情人節優惠」，其實就係將之前幾次在新年前搞的「人人猴大禮」清貨優惠作一個大集合。從中聯通 Facebook 資料可見，在情人節（2 月 14 號）當日，係深水埗、屯門、元朗以及上水分店，都會有淨機減價活動。版主睇過，四間分店的劈價手機款式其實係有分別的，如果係想買舊代旗艦的話，屯門同元朗先會有齊 Galaxy Note 4 （價錢：$3299) 、 S6 edge （價錢：$4080) 以及華為 Mate 7 金色加強版（價錢：$2299) 。以最初定價計算， Note 4 會係減得最多，差不多 $2700 。同大鋪相比平最多會係 Mate 7 金色加強版（因為 Note 4 大鋪基本上已經無賣）而款式最新就梗係 S6 edge 啦。至於想入手最平手機的話，當然要數有齊 Samsung 舊手機（規格一定唔多好）的深水埗分店。至於四間分店的淨機劈價優惠又有無咩共同點呢？都有嘅，就係同樣有 HTC 的 Desire 616 以及 iPhone 5c 8GB 版，看來呢兩部機有唔少貨清唔走呢～
▲ 元朗同屯門一樣，有齊 Note 4 、 Mate 7 同 Galaxy S6 edge 。
▲上水都會有 Note 4 ，但就沒有 s6 edge 同埋 Mate 7 。
▲至於深水埗，又係有一啲吸引力不算強，幾百蚊都唔知算唔算平的入門機⋯⋯（仲要係兩年前貨式）
中國聯通香港 情人節優惠 活動詳情：
活動日期: 2016 年 2 月 14 日活動地點:
智昌路 3 號上水中心購物商場 2 樓 2027 號舖
元朗教育路 3-7號富好大廈地下 1 號舖
屯門市廣場(二期) 1 樓 38B 號舖
深水埗福華街 132-134 號地下 C2B 及 D1 舖
中聯通亦提到「優惠只在聯通上水、元朗、屯門、深水埗門市。貨品數量有限，售完即止。」