6 吋 Galaxy A9 (2016) 大鋪再劈價,都鬥唔過 csl?
雖然 csl 同大鋪已經唔似得之前劈價戰期間,鬥劈價鬥得咁火熱,但係兩者的競爭其實一直都有嘅。好似 Galaxy A9(2016) 一推出,價錢就已經減足 $600 ,大鋪當時只能減 $400 ,可以話「無得打」。近日,大鋪好似衛訊同百老匯終於都追得上 csl ,價錢一樣做到 $3398 ,比原價平 $600 。但更加估唔到嘅係,原來 csl 方面都有「暗價」,目前大家係街應該仲見到 $3398 呢個賣價,但版主試過查詢,發現原來 A9(2016) 係 csl 只係 $3198 ,即係大鋪減完, csl 都係更加平⋯⋯▲ Galaxy A9(2016) 大鋪終於追上 csl 價,但想不到 csl 都暗暗地減了⋯⋯
P9 開賣前 Mate 8 都要減? CMHK 超抵淨機價平過大鋪
Mate 8 係同門新機 P9 開賣之後,一般人都預計價錢應該會再減。不過係目前為止,真係有將 Mate 8 減價賣的,其實係 CMHK ,近日 CMHK 就推出左「人人有份驚喜淨機優惠」,老老實實不論係 iPhone 還是 Android 手機,價錢都唔見得抵玩。不過 Mate 8 都算係比起大鋪平的,價錢由 $4580 減到 $4080 ,比大鋪多少少。但係咪真係咁著數呢?版主又覺得唔係,一來而家 eShop 已經係貨,即係拎唔到 $100超市禮券。二來本身 CMHK 係做緊 $3998 呢個「客戶優惠價」,但而家在 CMHK 官網都無左了,對 CMHK 客戶而言,當然係唔著數。▲ 不論是摩卡金還是香檳金,而家 CMHK 都是無貨的,難道真係咁搶手?
5.5 吋芒+可換電!Galaxy J5(2016) 點買最平?
情況同 Galaxy A9 (2016)有點相近嘅,仲有另一部 5.5 吋芒 Samsung 中階機 Galaxy J7(2016)。雖然規格比起 A7(2016) 稍弱,無左指紋掃描功能,但因為有得換電,而且改用 Exynos 處理器,銷情看來不錯。可惜,當 J7(2016) 開賣之後,大鋪只係減得 $100 ,真係叫人有點失望。近日衛訊就以「母親節精選即減」將 J7(2016) 減 $200 ,賣 $2498 ,可惜都唔係最抵玩。其實,以平價、抵玩來計,J7(2016) 都係 cmhk 、 csl 比較著數。前者近期做緊優惠,客戶買機的話,只係 $2280 ,計返即係平左 $400 左右,多大鋪一倍。如果唔係 cmhk 客戶都不用擔心,因為 csl 方面,而家 J7(2016) 的淨機超激價都係 $2298 ,同樣是平 $400。
▲ Galaxy J7(2016) 情況同 A9(2016) 差不多,大鋪減完,都係不夠 csl / CMHK 平。
HTC One X9 大鋪減完,仍然比不上細鋪行貨抵?
另一方面, HTC 最近推出的 One X9 ,一樣係開賣之後減得唔多,大鋪一般只係減左 $200 ,仍然未能跌穿 $3000 。今次衛訊同樣有將 One X9 再減價,價錢係 $2998 ,減左 $300 。不過,對比返 CMHK 現時做緊的 $2880 客戶優惠價,還是深水埗細鋪行貨現時 $2799 的賣價,大鋪都仲有進步空間呢。唔知大家又點睇呢批 5.5/ 6 吋大芒減價情況呢?留言講講吧!▲ One X9 減左 $300 後終於跌破三千,但以行貨來計,深水埗鴨寮街細鋪會比較平。
在文章發佈時,Samsung Galaxy A9(2016) 大鋪賣價為 $3398 ,按此看手機詳細規格及最新賣價。
在文章發佈時, Samsung Galaxy J7(2016) 大鋪賣價為 $2498,按此看手機詳細規格及最新賣價。
在文章發佈時,華為 Mate 8 加強版大鋪賣價為 $4180,按此看手機詳細規格及最新賣價。
在文章發佈時,HTC One X9 大鋪賣價為 $2998,按此看手機詳細規格及最新賣價。