傳蝙蝠俠限量版 S7 Edge 六月賣! 三星官方釋出開箱影片,喜歡嗎?
|
Samsung
從影片中,我地可以見到呢款限量特別版的 S7 Edge,無論是包裝盒設計、手機本體、配件,都係以蝙蝠俠為主題,同時仲會有蝙蝠俠的手機主題、Wallpaper 以及撥號介面,真係同上年 Iron Man 限量版一樣,都係咁型仔。另外,S7 Edge 蝙蝠俠特別版更隨機附贈一個黑色的 Gear VR。
根據 The Verge 所提供的資訊,三星 Galaxy S7 Edge 蝙蝠俠特別版本應該都會採取限量銷售的方式,預計會於 6 月初在中國、新加坡、韓國、南美、俄羅斯等國家上市。不過香港會唔會賣,會賣的話又要幾錢,暫時未知。上年賣 $8888,版主估計,如果香港有份的話,價錢應該都不會相差太遠。不知大家中唔中意呢款設計呢? 同 Iron Man 相比,你又中意邊款多點呢? 留言講下啦!
▲ Samsung Galaxy S7 Edge 蝙蝠俠特別版個包裝盒,我地可以見到顯眼的蝙蝠標誌。
▲ 開箱之後你會見到,盒內附贈一個似乎是金屬材質打造的蝙蝠鏢。
▲ S7 Edge 本身是黑色,機背有個金色的蝙蝠 Logo,然後鏡頭邊框、實體 Home 鍵等細節都有用金色襯托,版主個人覺得都幾型下!
▲ 隨機仲會附贈一個蝙蝠俠主題的保護殼。
▲ 唔少得的當然是 Gear VR 裝置,是全黑版本。
▲ 手機入面亦內置蝙蝠俠主題。
▲ 就連撥號介面都不一樣,內外都好型仔!