是咁的！版主早前跟擁有 Samsung Note7 嘅朋友傾計，佢地話，反正最後換機退錢日期係十二月底，我用左差唔多兩個月，真係無事發生過，我想用到最後一刻先退機！無乜幾何你可以用一部手機三個月，用到殘，用到花都有人肯原價回收呢部機。去到十二月，不少呢季旗艦都大跌價，個陣退機換錢再入手，會賺更多!
香港人小便宜計算法，真係天下無敵。不過咁，你要有心理預備，餘下至 12 月底嘅日子，你揸住部 Note7 都可能好多地方去唔到。香港快運 HK Express 成為首間香港嘅出發嘅航空公司，全面禁止 Samsung Note7 上機。
係，上機都唔準。之前各大航空公司，都只係唔俾 Note7 開著或寄存作行李，今次 HK Express 係唔俾上機！
據知，唔單止 HK Express 會咁做，事實上， 今次全禁 Note7 上機，其實係美國聯邦航空總署 Federal Aviation Administration FAA 嘅指引，是國際級數，相信未來包括國泰與港龍及其他由香港出發嘅 Airlines 都會跟隨。
遲下你仲帶著Note7 會否連港鐵、巴士都唔俾上？唔知喎！版主都係請 Note7 用家，早日退機換機好啦! 小便宜，莫貪！
Note 7 電池爆炸，香港事故重温
不要再留戀！飛機無得上! 航空公司全禁 Note7 上機版主走訪旺角 深水埗！找出 Note 7 爆炸真苦主
三星終極大難題 ： 找不出 Note7 爆炸原因 + 銷燬破壞環境
三星香港 安排退錢或換 S7 Edge，Note7 災戶，你又肯唔肯?
IT 界議員：三星叫停用 Note 7 你繼續用？ 再爆追究十級難
停用 Note7 怕爆炸？三星：No Worry 借部 On 7 俾你！
買到 Note7 變珍藏限量版！三星宣佈停止生產 Note7！
爆出事！三星 Note7 陣亡 近期旗艦入手攻略！
香港回歸「全球」！三星香港發出聲明，有無得換機／退款？
版主收料：確認 Note7 已在香港停售