救亡機會在 On 7!三星中階手機劈價清貨,至抵係佢?
|
Samsung
原價直減 $1400!三星 A9 (2016) 清貨減價,是入手好時機?
首先由有六吋芒的 A9 (2016) 說起,在三星中階機入面,雖然呢部 A9 (2016) 已經係年頭開賣的舊機款,不過就算放在今日,都依然相當吸引。可能係用上六吋芒,中了普遍香港人喜歡大芒機的心態,再加上規格又唔算差,有 S652 處理器 + 3GB RAM + 32GB ROM,所以呢部機整體來說,都算幾賣得。大舖做緊「即減 $900」,賣價為 $3098,呢口價企硬左一段時間了。不過最近發現,數碼通將 A9 (2016) 劈價,唔使上台,淨機原價直減 $1400,最新賣價為 $2598,網友又會唔會有興趣呢?
▲ 雖然大舖仲係企硬 $3098,不過原來有網絡商已經將 A9 (2016) 直減 $1400,只需 $2598 就可以買到。
救亡機會在 On 7!平價再減,網友要救?
事實上,除左 A9 (2016) 有減價之外,有一部原本性價比已經算高的手機,都有做減價。講緊嘅係 On 7,唔係鬧人,呢部手機大陸真係咁叫,不過來到香港廢事俾人笑,就改左名做 J7 Prime。呢部 J7 Prime 仲有個兄弟,叫 J5 Prime,兩部手機在開賣的時候,可能因為太過抵,大舖連即減優惠都無,不過而家可能三星手機生意唔係太好,無辦法下連咁抵嘅手機都要再減價,希望可以吸引到更多人買呢兩部手機。J7 Prime 同 J5 Prime 都做緊「即減 $200」的優惠,最新賣價分別為 $2198 以及 $1798,網友又會考慮入手,救救三星生意嗎?
▲ On7...... 唔係,J7 Prime 終於有減,雖然減得唔多,但本身已經夠平,而家平上加平,點睇都係一件好事。
▲ 而佢細佬 J5 Prime,亦都一樣減左 $200,賣 $1798。
Samsung Galaxy A9 (2016) 在文章發表時,大舖賣價為 $3098,按這裡有詳細規格及最新賣價。
Samsung Galaxy J7 Prime 在文章發表時,大舖賣價為 $2198,按這裡有詳細規格及最新賣價。
Samsung Galaxy J5 Prime 在文章發表時,大舖賣價為 $1798,按這裡有詳細規格及最新賣價。