主題:機會來了!巨芒手機劈價賣,入手華為 Mate 系是時候?

ePrice HK
  • 發表時間:2017-01-03 20:10 收錄檢舉
    提到 2016 香港開賣的巨芒手機,相信比較令人印象深刻的,應該是華為 Mate 系列以及三星 A9 (2016),當中的 A9 (2016) 規格屬於中高階,而家大舖已經唔見有賣,就算係細舖,都不容易找得到,甚至最近更出現加價的跡像,最新賣價約 $2980。至於華為 Mate 系列旗艦,直澄一年香港賣兩部,年頭賣 Mate 8,年尾賣 Mate 9,而這兩部機的賣價,一直都企得好硬,特別是 Mate 9,更是一蚊都無減。不過,等了咁耐,Mate 系列終於肯減價了,而且一劈劈到三千有找,相信而家會是入手的好機會。網友又點睇呢?

    機會來了!巨芒手機劈價賣,入手華為 Mate 系是時候?

    華為 Mate 8 劈至三千有找!入手機會來了?
    華為旗艦手機,無論係 P 系還是 Mate 系列手機,一向大舖細舖賣價都企到好硬,唔好講 Mate 9 一蚊唔減,就算 Mate 9 開賣之後,Mate 8 的賣價還是一直都無變,版主心裡面曾經有咁嘅想法: 連出新機舊代都唔肯減,係咪真係好賣成咁呀?不過去到今日,華為終於都企唔硬了!在今日之前,華為 Mate 8 無論係 32GB 還是 64GB,明面上都係做緊「即減 $400」,不過有暗價可以減多 $200。而今日版主行場時發現,Mate 8 (32GB) 在衛訊由原來的「即減 $400」變成了「即減 $1000」,不過 64GB 似乎就已經無貨了。至於豐澤以及深水埗細舖,則暫時未有變價,唔知 32GB $2980 這個價錢,可以吸引到你入手了嗎?

    機會來了!巨芒手機劈價賣,入手華為 Mate 系是時候?
    ▲ 華為 Mate 8 32GB 而家跌到落 $2980,版主個人覺得都算係幾吸引,唔知網友又點睇呢?

    機會來了!巨芒手機劈價賣,入手華為 Mate 系是時候?
    ▲ 雖然 64GB 衛訊無貨,而豐澤、細舖亦都無變價,不過如果想平買 64GB 加強版的 Mate 8,蘇寧幫到你!由即日起至 2017 年 2 月 28 日,蘇寧同恆生推出優惠,只要用恆生信用卡簽賬,Mate 8 (64GB) 只需 $3380,即係減左足足千五蚊!相信大部份人如果買,應該都會買 64GB,你又會唔會入手呢?

    樂視救亡劈價求清貨!6.33 吋 S810 旗艦大舖新低價,真係抵?
    樂視 6.3 吋 S810 旗艦,好明顯係講緊第一代的 Le Max,係呀,估唔到 Le Max 2 都出左咁耐,但 Le Max 依然仲有賣。Le Max 今個月開始,在衛訊都有減價優惠,最新賣價為 $1999。呢個價錢買部 S810 + 4GB RAM + 64GB ROM 的 6.33 吋手機,不知大家又覺得值唔值呢?不過,版主虎仔早前都有同大家講過,Le Max 2 (4GB RAM + 32GB) 大陸直澄賣到千五有找,在價錢不差太遠的情況下,你會揀 Le Max 還是 Le Max 2 呢?

    機會來了!巨芒手機劈價賣,入手華為 Mate 系是時候?
    ▲ Le Max 而家做緊 $1999,不過水貨的 Le Max 2 似乎仲平過 Le Max,你會選擇邊部呢?

    機會來了!巨芒手機劈價賣,入手華為 Mate 系是時候?
    ▲ 另外順帶一提,尋日版主先同大家爆完價的 C9 Pro,今日就開始接受預訂,如版主所爆的價錢一樣。

    華為 Mate 8 (標準版) 在文章發表時,大舖賣價為 $2980,按這裡有詳細規格及最新賣價
    華為 Mate 8 (加強版) 在文章發表時,蘇寧優惠價為 $3380,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁