主題:版主收風最新消息: 三星 C9 Pro 賣價隨時有變數,或會加價?

ePrice HK
  • 發表時間:2017-01-04 18:30 收錄檢舉
    嘩!呢兩日版主們相信會挺忙碌,等陣凌晨時份會有不同廠商,包括 LG、TCL、Sony 等等,相繼在 CES2017 大展上發表新產品,一直去到大約早上 10 時。未完!千萬不要忘記,聽日係 1 月 5 日,晏晝三星亦會在香港發表多款新機,包括「專業師奶」C9 Pro、128GB S7 Edge 以及其他產品。當中 C9 Pro 以及 128GB S7 Edge,版主就曾經爆過香港建議零售價,讓大家有個概念。但最新消息指出,C9 Pro 可能會加價,睇下文啦!

    版主收風最新消息: 三星 C9 Pro 賣價隨時有變數,或會加價?

    三星 C9 Pro 市場定位係唔係專為師奶而設,版主就唔清楚,但就知道佢最大的賣點,一定係 6GB RAM。老老實實,6GB RAM 係咪真係好有用呢?呢個問題,版主在 Telegram 群組入面,見過有網友討論過。對於版主來說,6GB RAM 是多餘的,4GB 已經相當足夠。不過在網友們的討論中,發現有些網友可能會為求方便,需要用手機來剪片,對於這類用家,似乎「可能」真係有需要 6GB RAM......嘅。不過除左 6GB RAM,六吋巨芒其實都有一定的吸引力,關鍵是賣價方面。

    版主之前就爆過 C9 Pro 香港建議零售價,甚至連大舖都開始接受預訂,綜合多方面消息,幾乎已經可以確定,版主之前爆的價錢不會有錯。然而,版主今日想再次確定 C9 Pro 建議零售價,卻收到最新消息: C9 Pro 賣價有機會會有變數,可能會加價至四千以上。之前版主爆價出來,不少網友已經覺得貴,如果到時真係仲要加價,咁...... 不過,聽日 C9 Pro 都會在香港正式發表,想知最後會唔會加價,就要留意聽日的官方確認!

    按這裡仲有 S7 Edge 128GB 香港建議零售價

    立即加入Facebook 專頁,新聞/消息/優惠,最快知。

    01樓 ▲TOP 回列表頁