三星 C9 Pro 外型 + 上手感
一如既往，版主都係會由外型方面開始說起。我會說，三星 C9 Pro 是 A9 (2016) 的替代品，點解？因為 C9 Pro 同 A9 (2016) 一樣，都係用上六吋大芒，加上 A9 (2016) 而家周圍都無貨，唯有用 C9 Pro 頂替住先啦！不過，C9 Pro 始終都係屬於 C 系手機，整體設計上還是比較跟 C5、C7 相似，採用了一體式金屬機身，配以六吋 2.5D 屏幕，機身厚度只有 6.9mm，相當輕薄。
▲ 三星 C9 Pro 採用了六吋 Super AMOLED 大屏幕，並以現時流行的 2.5D 玻璃覆蓋着。
▲ 屏幕上方會有 1600 萬像素 F1.9 大光圈的前置鏡頭，並具有聽筒、sensor 以及「SAMSUNG」的字樣。
▲ 而屏幕下方則有橢圓形的 HOME 鍵，並支持前置指紋辨識功能。
▲ 翻轉機背，可以見到 C9 Pro 用上鋁合金金屬材質，並具有「隱藏式」的天線設計，由常見的白色天線，變成三條幼線，而天線顏色跟後殼相當接近。
▲ 具有同樣 1600 萬像素 F1.9 大光圈的主鏡頭，旁邊會有閃光燈。鏡頭下方亦同樣會有「SAMSUNG」的字樣。
▲ 機身厚度只有 6.9mm，拍埋落版主手上的魅族 Pro 6 Plus 度，依然顯得相當纖薄。
▲ 機身右側上方會有開關鍵。而下方則有兩個卡槽，一個係插雙 Nano SIM 卡，而另一個則是用來插 microSD 卡，實現真正的「三卡」。
▲ 而左側會有音量鍵。
▲ 手機底部，會見到有喇叭、USB Type-C 插槽以及 3.5mm 耳機孔。
▲ 拎上手唔會覺得機身好大，手感幾好。
S653 效能又如何？跑分程式話你知！
外型來說又唔係話好差，咁效能上又如何呢？呢幾日已經出過好幾篇關於三星 C9 Pro 的文章，相信大家亦都知道，C9 Pro 會配備 Qualcomm S653 八核心處理器，內置 6GB RAM 以及 64GB ROM，除了粒 U 之外，其餘的配置都不比現有的旗艦手機弱。S653 處理器號稱性能相比 S652 提升了 10%，實際又係唔係呢？版主利用了一系列的跑分軟件，測試 C9 Pro 的效能，當中的安兔兔跑分結果，得分結果為 74848 分 (其實正常應該有 8 萬多分，而版主手上呢部屬意料之外的低分)，屬於大部分中高階手機的水準，呢個分數，網友又覺得如何呢？
▲ 配備 S653 處理器、6GB RAM 以及 64GB ROM 的 C9 Pro，開機約有 3.8GB RAM 以及 51GB ROM，安兔兔跑分結果為 74848 分。
▲ Basemark ES 2.0 Taiji 得分為 58.28 分，滿分為 60 分，58.28 分這個成績，代表玩 3D 遊戲表現應該相當順暢。
▲ Vellamo 分為三個分數，瀏覽器、多核、金屬，瀏覽器即代表用 Chrome 上網的順暢度，而多核及金屬則代表手機的整體效能。Chrome 瀏覽器分數為 4533 分，根據版主過去經驗，這個分數屬於中上成績，相當不錯。而多核、金屬成績則屬一般。
前後鏡頭 1600 萬像素 + F1.9 大光圈！實際表現又如何？
好難得見到，連前置鏡頭都有 1600 萬像素，不過像素大唔代表好，都要睇下三星 C9 Pro 實際出黎的拍攝效果如何。至於主鏡頭，同樣係 1600 萬像素 + F1.9 大光圈，會唔會相比 C7 有所進步呢？版主就在發佈會現場，簡單拍下幾張照片，讓大家評下，你哋覺得 C9 Pro 影出來的成像，靚唔靚呢？
▲ 主鏡頭亦都有 1600 萬像素，具有 F1.9 大光圈，不過版主個人覺得，成像細緻度始終不太夠，而且雜訊有點兒明顯，也許是現場環境比較昏暗吧？
▲ C9 Pro 配備了 1600 萬像素前置鏡頭，並具備美顏功能，唔知網友又覺得，影出嚟係唔係真係靚啲呢？
小結
三星 C9 Pro 香港賣價為 $3998，呢個價錢買部 S653 + 6GB RAM + 64GB ROM 的手機，唔知網友覺得值唔值呢？睇完以上的簡單評測，外型方面其實算是不錯，有 iPhone 的感覺，並且有三種顏色，當中的黑色更是版主最愛的顏色。效能方面，版主手上的 C9 Pro 雖然安兔兔跑分似乎偏低，但初步使用感覺還是很順暢的，而最吸引的，應該是前後 1600 萬像素相機，配合 F1.9 大光圈，出來成像尚算合格。網友又對這部 C9 Pro，有甚麼感覺呢？
Samsung Galaxy C9 Pro 在文章發表時，賣價為 $3998，按這裡有詳細規格及最新賣價。
Samsung Galaxy S7 Edge (128GB) 在文章發表時，賣價為 $6198，按這裡有詳細規格及最新賣價。