一出即減!版主幫你格盡三星 128GB S7 Edge、C9 Pro 開賣最平售價

左定坤 (Cho Ting Kwan) 2017-01-05 17:50 | Samsung
三星「專業師奶」Galaxy C9 Pro,今日終於正式在香港發表,同場仲有 128GB 「珍珠黑色」的 S7 Edge,兩部手機都會在明日起正式開賣。見到有網友在 Telegram 群組問版主,可唔可以收下風,C9 Pro 開賣有無即減,似乎網友都對這部 C9 Pro 很感興趣。至於 128GB S7 Edge,版主今日篇文就話,預計一定會有「一出即減」,又有無估錯呢?即刻睇下文啦!

S7 Edge(Facebook).jpg

答法照舊!三星 C9 Pro 賣價或會高於建議零售價?
講左三星 Galaxy C9 Pro 先。如版主之前所爆的一樣,C9 Pro 建議零售價為 $3998,版主專程行哂豐澤、衛訊、百老匯、蘇寧四大連鎖店,打算幫網友格下價,得出結果是,衛訊、百老匯、蘇寧均未有即減的消息,而豐澤的答法,則如版主昨日所說: 有可能會加價。版主聽到,同店員講: 下? 但唔係已經 firm 左 $3998 呢個價喇咩?仲會加價?店員就話,賣價無話唔可以高過建議零售價 $3998,佢咁講係無錯,但令版主 O 哂嘴。當然,版主都唔希望佢加價,C9 Pro 應該要再便宜一點,才有吸引力吧?至於細舖方面,有深水埗店舖報價,大約比建議零售價平兩舊水左右,即大概 $3780,呢個價網友又能否接受呢?

正式發表!賣價一文睇哂 三星 C9 Pro + 128GB S7 Edge + 筆電
▲ C9 Pro 則至今亦未有「即減」消息,估計短期內都應該唔會有減價,而豐澤店員更指,有機會賣價高於建議零售價。

「珍珠黑」128GB S7 Edge 一出即減!呢個價錢你揀 32GB 定 128GB?
至於擁有如 iPhone 7 亮黑色的「珍珠黑」 128GB S7 Edge,版主就問到會有一出即減的優惠,建議零售價為 $6198,大舖會「即減 $500」,最新賣價為 $5698。呢個價錢,相比 32GB 的 S7 Edge 貴 $700,至於細舖價方面,暫時問到同大舖即減差不多。呢個價錢,網友又覺得是否能夠接受?

IMG_2440.JPG
▲ 現有的 32GB S7 Edge,都係賣緊 $4998,會唔會加多 $700,買 128GB 會抵玩啲呢?

在指定日期內購買 C9 Pro / S7 Edge,版主都有講過會有一些優惠,按這裡了解更多啦!

Samsung Galaxy C9 Pro 在文章發表時,賣價為 $3998,按這裡有詳細規格及最新賣價
Samsung Galaxy S7 Edge (128GB) 在文章發表時,賣價為 $6198,按這裡有詳細規格及最新賣價

最新新聞