超抵玩!三星 S7 跌落三字頭,LG 旗艦賤價鬥三星?

左定坤 (Cho Ting Kwan) 2017-01-19 21:21 | Samsung
都有差不多一個星期無同大家更新手機減價資訊!無辦法,版主攞假去左台灣足足一個星期,昨晚先至回來,今日一去到深水埗細舖行場,給版主一個感覺係: 正!又有好多手機落左價!當中版主覺得幾吸引的,是三星 S7,終於跌穿四千,落到三字頭。作為影相一流的手機,版主覺得這個價錢,確係相當吸引!與此同時,也許是受到 S7 減價的壓力,LG 旗艦賣價最近亦有所調整。到底減左幾多呢?睇下文啦!

三星(Facebook).jpg

三星 S7 終於跌落三字頭!網友要衝?
距離三星 S8 發表之日愈來愈接近,一向大細舖賣價都企得好硬的 S7 系列,在這個星期終於都減價了!講左大舖先,版主 check 番 record,原來三星 S7 在 10 月的時候已經減至 $4298,確實係時間過得很快,而這個賣價截至今日為止,依然沒有變動。至於細舖方面,亦都一直企硬 $41XX / $42XX 的價位 (不定期會有少量調整),雖然這個價錢版主覺得值得入手,不過在不少網友心目中,仍然可以再便宜一點。到今個星期,機會來了!三星 S7 終於跌穿四千,落到 $3998,呢個價錢確係唔錯,唔樣衰 + 影相靚,已經夠殺食!

至於 S7 Edge,32GB 版本在細舖亦都跌到落 $4498,而最新推出的 128GB,也許是定價過高的關係,今個星期都跌左成 $300,落到 $5180,而版主個人覺得,如果 128GB 落到四字頭,就應該可以入手了!不知網友又是否認同呢?

Note7 爆炸生意難做?三星 S7 系列大舖清貨 減到細舖價!
▲ 大舖自十月尾至到而家,S7 都企硬 $4298。細舖賣價變動亦一直不多,不過去到今個星期,細舖終於跌到落 $3998,這個價錢,不知跌穿了網友心理關口沒有呢?

LG 旗艦賤價鬥三星!V20 新春優惠,無減價,送贈品,值唔值?
不管網友同意也好,不同意也好,版主個人覺得,S7 而家這個價錢確實是非常吸引,而 S7 減了價,同樣是韓國品牌的 LG 旗艦手機,怎可以不減價抗衡三星呢?先講 G5,今日版主就同大家提過,G6 發表日期確定,會在 2 月 MWC 大展上現身,不知是為抗衡三星,還是因為 G6 快到,總之好消息係,G5 大舖終於要減價了!減多 $300,最新賣價為 $3698,呢個價錢,唔知網友接唔接受呢?除左 G5,原來最近 V20 都有優惠,不過呢個優惠就專為新春而設的,雖然價錢上無減,都係 $5398,不過而家會送多個電池套裝、有 64GB 記憶卡、保護貼、韓國製造智能保護套 (閉上會自動鎖機)以及一個普通透明保護套,咁多嘢送,又係咪真係吸引到你呢?不過,計版主話,都係減價最實際,你又點睇?

16143911_377033562655456_1583378234_n.jpg
▲ LG G5 終於再有減價,減多 $300,呢個價錢網友要敗不?

16144505_377032815988864_1726965029_n.jpg
▲ 而 LG V20 最近亦都有新春優惠,雖然無減價,但又好多贈品送,有 64GB 記憶卡、兩個套、電池套裝以及保護貼。

三星 S7 在文章發表時,大舖賣價為 $4298,按這裡有詳細規格及最新賣價
LG G5 在文章發表時,大舖賣價為 $3698,按這裡有詳細規格及最新賣價
LG V20 在文章發表時,大舖賣價為 $5398,按這裡有詳細規格及最新賣價

最新新聞