三星 S7 Edge 減價來了!S820 旗艦新低價,揀「佢」定揀 LG?
|
Samsung
三星 S7 Edge 128GB 大舖價微減,會考慮下未?
先講三星 S7 系列,其實無論係 S7 還是 S7 Edge (32GB),大舖賣價暫時都係沒有變動,S7 仲係賣緊 $4298,而 S7 Edge 則賣緊 $4998。真正有變動的,是 128GB 黑珍珠色的 S7 Edge,建議零售價 $6198,以一部舊型號手機來說,又確實係貴左啲,有新色都係咁話,好在大舖有「即減 $500」優惠,但 $5698 始終網友都嫌貴。
最近版主行場發現,S7 Edge 128GB 大舖有減價,但都唔係平好多,減多一百咁大把,最新賣價 $5598。可能大舖暫時都唔敢將 128GB 減咁多住,睇定啲先,如果唔係 32GB S7 Edge 到時就好難唔減,而一旦 S7 Edge 減,S7 就隨時會跟住減。至於細舖方面,S7 Edge 128GB 賣緊 $5098,比大舖平五百,你又會考慮嗎?
▲ 減價嘅係 128GB S7 Edge,最新大舖價為 $5598,而細舖價則賣 $5098。
S820 模組手機新低價,吸引得過 LG G5 嗎?
講緊嘅係 Moto Z,有比 LG G5 咁正嘅模組,但問題係價錢都差好遠,大舖又時時缺貨,導致一直都唔係咁吸引到網友入手。雖然無模組,不過淨機身就已經愈跌愈平,落到一個新低價,衛訊見到 Moto Z 跌到落 $4199,其實相比同規格手機來說,依然係唔算平,不過版主發現,有蘇寧店舖再平啲,「即減 $1000」,只需 $3999 就可以入手。想玩埋模組,細舖會平少少,哈蘇相機模組最新賣價 $2080,投影機模組平得最多,賣 $1580,而 JBL 喇叭模組則賣 $698,你又覺得呢個價,能唔能夠接受呢?
▲ Moto Z 有蘇寧門市賣緊「即減 $1000」,即 $3999,呢個價又能唔能夠接受呢?
Samsung Galaxy S7 Edge (128GB) 在文章發表時,大舖賣價為 $5598,按這裡有詳細規格及最新賣價。
Moto Z 在文章發表時,大舖賣價為 $3999,按這裡有詳細規格及最新賣價。