一千蚊唔使!有得插卡 + 換電三星手機,求清貨你會 help 嗎?
講緊嘅係三星 Galaxy J1(6),真係職員唔講,我都幾乎忘了這部機的存在,仲以為已經一早落左架。點知原來仲有,最新清貨價為 $998。價錢來說係抵,不過只要你睇番個 specs,就真係好難買得落手。不過只係我個人的想法,總會有需要這部機的網友......卦。呢部 Galaxy J1 (6) 採用了 4.5 吋屏幕,解像度只有 480 x 800,配備了 Exynos 3475 四核心處理器,內置 1GB RAM 以及 8GB ROM,放在 2017 來說,版主係絕不考慮。▲ Samsung Galaxy J1(6) 現時豐澤賣價為 $998。
三星真係好選擇?一千蚊唔使可以有乜㨂?
無錯三星 Galaxy J1(6) 係減左價,但又唔係靚 spec 又太入門,未必吸引到網友考慮,除左 J1(6),其實一千蚊唔使,可以有乜嘢更好的選擇呢?睇番而家市場的行情﹐一千蚊唔使有 Lenovo A6600 / A7700、LG Stylus Plus、紅米 3s,LG Stylus Plus 就同三星 Galaxy J1(6) 差不多,同樣只有 1GB RAM + 8GB ROM,不過就配 Qualcomm S410 處理器。比較好啲嘅,Lenovo 雙機同樣配備 MTK MT6735P 處理器、內置 2GB RAM 以及 16GB ROM,主要不同的是,A6600 配 5 吋屏幕,而 A7700 則配 5.5 吋屏幕,前者細舖賣價為 $798,而後者細舖賣價則為 $980。至於紅米 3s,係講緊水貨,2GB + 16GB 版本深水埗福仁賣緊 $899,而 3GB + 32GB 版本則賣 $1099,唔知呢幾部機當中,你又會點揀呢?▲ 其實 Lenovo A7700 同 A6600 規格配置上的差別並不大,最明顯的分別是尺寸,A7700 配 5.5 吋屏幕,而 A6600 則只有 5 吋。
▲ LG G4 Stylus Plus 其實規格配置都好低,同三星 Galaxy J1(6) 有得揮,不過係勝在有支筆,你又覺得支筆有無作用呢?
▲ 紅米 3s 近日見到深水埗舖頭仔仲有賣,16GB 版本賣緊 $899,而 32GB 版本則賣緊 $1099,應該點都好過 J1 (6) 吧?
紅米 3s 在文章發表時,賣價為 $999,按這裡有詳細規格及最新賣價。