唔講唔講,終須要講!三星官方公佈 S8 / S8+ 真實賣價

左定坤 (Cho Ting Kwan) 2017-05-02 19:31 | Samsung
唔理係三星、HTC、Sony,抑或係其他廠商,好多時候佢哋新機未發佈,ePrice.HK 版主都好早可以收到風,得知該手機的建議零售價。然而,三星 S8 / S8+ 今次情況有點特別,雖然版主一如既往的,將收到的關於三星 S8 / S8+ 最新消息話俾大家知,但誓估唔到今次三星竟然玩新招,開發佈會唔講價錢,明明各大零售商都已經知道哂 S8 / S8+ 的賣價,但三星自己就懶係秘密咁,唔講唔講。不過,唔收埋得幾耐,三星今日終於正式發出新聞稿,公佈 S8 / S8+ 的建議零售價。咁遲先公佈,個價有無變?睇下文啦!

S8(Facebook).jpg

根據三星今日發出的新聞稿顯示,S8 4GB + 64GB 雙卡版的建議零售價為 $5698,有幻紫灰、楓木金兩種選擇; 而 S8+ 4GB + 64GB 版本建議零售價則為 $6398,有幻紫灰、星夜黑、珊瑚藍三種顏色。至於 6GB + 128GB 版本的 S8+,原來只限香港、中國以及韓國發售,建議零售價為 $6998。三部機同樣會在 5 月 25 日正式發售,除了接受預訂日期比預期提早之外,S8 / S8+ 的賣價基本上同版主之前爆的價錢一樣。至於開賣會唔會有即減優惠,版主向大舖職員查詢過,暫時未有消息。呢個價錢,網友又會唔會考慮入手呢?

Samsung GALAXY S8 / S8+ 上市消息 + 即時評測 

Samsung GALAXY S8 相機評測!S8 vs iPhone 7
到港,即衝?立即嘗 Exyno 8895 效能!韓版三星 GALAXY S8 有貨
外觀比較! Galaxy S8、S8+ VS Galaxy S7 edge
三星 S8、S8+ 大變身:插 Samsung Dex 變電腦
三星語音助理 BIXBI 挑機 Apple siri

三星 S8 在文章發表時,建議零售價為 $5698,按這裡有詳細規格及最新賣價
三星 S8+ (4GB + 64GB) 在文章發表時,建議零售價為 $6398,按這裡有詳細規格及最新賣價
三星 S8+ (6GB + 128GB) 在文章發表時,建議零售價為 $6998,按這裡有詳細規格及最新賣價

最新新聞