獨家爆 Sony XA1 Ultra 上市日期!三星 6 吋巨芒手機有對手,減價求清貨?

左定坤 (Cho Ting Kwan) 2017-05-05 23:06 | Samsung
主流手機尺寸,一般都係講緊 5.5 吋、5.7 吋左右,唔計即將開賣的三星 S8,其實大芒手機的選擇並不算太多。而講到性價比最高的大芒手機,除了華為上代旗艦 Mate 8,版主覺得應該就是三星「專業師奶」C9 Pro。不過,呢部 C9 Pro 好快就會有對手了!講緊嘅係同樣有 6 吋芒的 Sony Xperia XA1 Ultra,呢部 Xperia XA1 Ultra 可以話係今年最多網友期待的 Sony 手機之一,到底幾時會正式開賣呢?文中會話你知。與此同時,可能係感受到 Sony 的威脅,三星 6 吋巨芒手機亦都開始在大舖減價求清貨了!呢個價錢,網友會揀 Sony 定三星?

場料(Facebook).jpg

獨家爆 Sony Xperia XA1 Ultra 開賣日期

Sony 早兩日發出了邀請函,表示將會於 18/5 在香港舉行發佈會,除了發表旗艦機種 Xperia XZ Premium,同場還會有大芒中階機種 Xperia XA1 Ultra。版主收到風,Xperia XA1 Ultra 將會在 2/6 正式開賣,賣價實際賣幾錢,暫時未能確定,不過聽大舖的朋友講開,好大機會唔使 $3000 就買到,係真唔係呀?姑且信住先。在今年眾多手機當中,XA1 Ultra 是版主少有期待的一部機,相比上代 XA Ultra 進步太多,雖然都係用 MTK U,但一升升到去 4GB RAM + 64GB ROM,加上前置鏡頭表現出色,啱哂鍾意自拍的版主,確實係好吸引嘅!

sony_xperia_xa1_ultra_review_-_white_mwc.jpg
▲ Sony Xperia XA1 Ultra 要到下個月初先至開賣,聽聞賣價唔過三千,如果係咁網友又覺得諗唔諗得過呢?

三星有對手,6 吋巨芒手機減價求清貨?

Sony Xperia XA1 Ultra 咁吸引,叫三星 6 吋 C9 Pro 情何以堪呢?唔知係咪擔心 XA1 Ultra 會搶過 C9 Pro 風頭,大舖今個月開始,將三星 C9 Pro 的賣價調低,不過減價幅度未見好高,都係比之前減多一舊水左右,由原來的 $3798 變成 $3698,又係果句,減少少好過無咁囉~不過唔知點解,版主總是有個預感,當 XA1 Ultra 正式上市之後,三星 C 系列手機的賣價會再有調整。可能只係版主錯覺吧,你又點睇呢?

18339142_431540880538057_1971904867_o.jpg
▲ 三星 Galaxy C9 Pro 亦都在今個月開始,減多一百至 $3698。如果俾你揀,你會揀 C9 Pro 還是 XA1 Ultra 呢?

Sony Xperia XA1 Ultra 在文章發表時,將於 6 月 2 日香港上市,按這裡有詳細規格及最新賣價
三星 Galaxy C9 Pro 在文章發表時,大舖賣價為 $3698,按這裡有詳細規格及最新賣價

最新新聞