三星 Galaxy C 系列再有減價！S625 手機好抵玩？
首先講下三星 Galaxy C 系列的最新手機場情，繼早前同大家講 6 吋大芒 C9 Pro 減價後，近日再有 Galaxy C 系列大舖減價。今次係 C7 Pro，一直都企硬「即減 $200」賣 $3198，今個星期開始減多左少少，變成「即減 $300」，最新賣價為 $3098，呢個價錢，有部 S626 處理器 + 4GB RAM + 64GB ROM 的手機，網友認為值唔值呢？不過，版主覺得，或者舊代 C7 會仲抵玩，因為同 Pro 版唔算相差太遠，用 S625 處理器，大舖賣緊 $2698，但 SmarTone 就最近搞母親節優惠，將 C7 減至 $2498，你又會否考慮呢？
▲ 繼 C9 Pro 減至 $3698 後，C7 Pro 近日都減多左 $100 至 $3098。
▲ SmarTone 亦都在網上商店做緊「母親節優惠」，C7 比大舖便宜 $200。
Moto G5 Plus 上場！中階機平鬥三星 C 系列，你點揀？
講完三星 Galaxy C 系列，係時候要講下一部即將上市的新機 - Moto G5 Plus。呢部新機會在今個星期五 (12/5) 香港發表，不過我哋收到風，G5 Plus 的建議零售價會係 $2299，用上 S625 處理器，香港版本估計應會用上 4GB RAM 以及 64GB ROM，配置上同三星 C7 差不多，但就只有 5.2 吋芒。不過呢個價錢平玩 Pure Android 手機，你又會揀 G5 Plus 還是三星 C 系列手機呢？
▲ Moto G5 Plus 星期五就發表，賣價為 $2298，香港版會賣邊個版本，暫時未能確定，不過好大機會應該是 4GB RAM。
三星 Galaxy C7 Pro 在文章發表時，大舖賣價為 $3098，按這裡有詳細規格及最新賣價。
三星 Galaxy C7 在文章發表時，SmarTone 賣價為 $2498，按這裡有詳細規格及最新賣價。
Moto G5 Plus 在文章發表時，建議零售價為 $2299，按這裡有詳細規格及最新賣價。