明明三星 S8 / S8+ 在香港都發表左好耐，點解而家先走黎試 S8 跑分呀？呢個問題呢，就要問下三星，點解當時在香港搞發佈會，但會場上居然連一部香港版的 S8 都沒有？不過又唔可以完全怪三星，只能怪因為 S835 處理器果陣時仲未 ready......入番正題先，版主利用了安兔兔跑分在內一系列的軟件，去測試一下 S8 的效能。結果如下:
▲ 香港版 S8 配備了 S835 處理器，內置 4GB RAM 以及 64GB ROM，安兔兔得出跑分為 164390，相比之前版主 Keith 試過的 Exynos 8895 版本 S8 低左接近 1 萬分。不過留意番，其實 S8 在各方面分數都不算太突出，表現比較好的是 3D 以及 UX，當中 3D《花園》分數只有 26995，而《孤立》分數則有 40065。至於 UX 方面，S8 在圖像處理方面的性能比較出色。
▲ PCMark for Android 工作 2.0 得分係 7121 分，呢個成績相當出色，同 Antutu 結果差不多，在圖片編輯方面的分數相當高。
▲ 3D Mark Sling Shot Extreme 是用來測試手機玩 3D 遊戲的效能，S8 香港版跑分為 3506 分。
三星 S8 香港版在文章發表時，建議零售價為 $5698，按這裡有詳細規格及最新賣價。