最好賣 S835 手機係佢?三千蚊唔使入手三星旗艦!

左定坤 (Cho Ting Kwan) 2017-06-03 14:31 | Samsung
有好多 ePrice 網友都好鍾意追 U,所以一講到 S835 旗艦,佢哋就最有興趣。暫時在香港開賣的 S835 旗艦,已經有三部了,包括三星 S8、Sony XZ Premium 以及 HTC U11,而第四部即將現身的,應該會是小米 6。雖然而家大家的焦點,都去左呢批的新機上,但版主想講的是,其實舊代旗艦都好值得網友注意。點解呀?夠平吖嘛,啱哂想用平價入手旗艦機的網友。而家三千蚊唔使,就可以入手到三星旗艦,你又有無興趣買呢?

場料(Facebook).jpg

現時香港已開賣 S835 旗艦中,邊部最好賣?

雖然 HTC U11 今次算係出到位,引起到不少網友的興趣,但實情上佢又可唔可以超越到三星、Sony 呢?版主好想知道答案,於是乎就逐一向豐澤、衛訊、蘇寧等大舖問下,睇下現時呢幾部最新旗艦中,邊部最好賣。結果好明顯,各大零售商不約而同的表示: 三星 S8,而 HTC U11 則是三部機當中銷量最差。當然,係咪真係可以下判斷話 U11 唔好呢?版主又覺得未必,因為睇番唔少的大舖,其實大部份都無貨, 咁又點賣得出呢?加上網店優惠仲抵過大舖,要買的人應該都會在網店買,你又有無興趣?

s8-21.jpg

三千蚊唔使,入手三星旗艦!

如果我話係三千蚊唔使入手到 S8,相信網友都唔會相信,所以不難猜到的,版主所講的是舊代旗艦三星 S7。可以見到 S8 出現之後,S7 在大舖都已經銷聲匿跡,就算真係有,貨量都非常少。不過如果在呢個 moment 仲想入手 S7 的話,水貨個價似乎算幾抵玩!最近經過旺角先達,見到 S7 水貨價只係 $2980 左右,而 S7 Edge 亦都只需 $3180,平平地可以玩到靚相機,其實真係除左無香港保養之外,其他都可以考慮一下。你又覺得入唔入得過呢?

18816770_445721692453309_918189723_n.jpg

三星 Galaxy S7 在文章發表時,水貨價約 $2980,按這裡有詳細規格及最新賣價
三星 Galaxy S7 Edge 在文章發表時,水貨價約 $3180,按這裡有詳細規格及最新賣價

最新新聞