收到消息，翻新三星 Galaxy Note7 亦即係 Galaxy Note FE，最快今日就會正式抵達旺角先達，有藍、銀、黑、金四種顏色選擇，第一水賣價約 $5380，係有少少炒價嘅，這個價錢相比韓國當地售價的 699,600 韓圜（折合 HK$4,779），大約貴 $600 左右，但如果真粉絲的話，應該未必會介意果 $600 吧？（所以版主都未夠班，因為唔係平的話，我係唔會買的
）不過先達以外，其實在旺角亦有店舖表示賣 $4980，五千有找，又是否合你心水呢？
講返翻新版 Note FE 同原有的 Note7 有乜分別，其實硬件上都係差不多無分別，主要係將舊電縮水，採用了 5.7 吋 2K 屏幕，有支 S Pen，配備 Exynos 8890 處理器，並內置 4GB RAM 以及 64GB ROM。另外，除了具備 1200 萬像素主鏡頭，Note FE 亦都支持 IP68 防塵防水。不過，在軟件上係多了一些新功能，例如會運行 Android 7.0、加入 S8 才有的 Bixby 人工智能助理等等。
如果而家 Galaxy Note7 改名回歸，配以呢個價錢，網友會考慮入手嗎？留言講下啦！
查詢及鳴謝: 三禾電氣23740618 （旺角） 23740718 （銅鑼灣）