開箱！Note7 一樣的外型，配 5.7 吋 2K 芒有 S Pen！
咁其實好老實，所謂三星 Galaxy Note FE，其實咪又係 Note7 一部，只不過今次 Note FE 應該係 for 平民用，理論上不會咁容易爆而已。所以在外型上，其實都是同 Note7 一模一樣，沒有甚麼特別，配備 5.7 吋 2K 屏幕，同樣具有 Note 系列必備的 S Pen。不過講開又講，雖然話已經係上年的設計，不過放在 2017 年來看，依然覺得這部 Note FE 充滿着魅力，無錯係吸引到版主我的！不知三星 Fan 們，有沒有相同的感覺呢？至於開箱係點，難以用文字表述，直接睇圖:
▲ 上面係三星 Galaxy Note FE 的包裝盒，你可以見到佢係寫住「Fan Edition」。
▲ 而包裝盒背後寫上這部手機的配置資料，例如用上八核心處理器、內置 4GB RAM + 64GB ROM 等等。
▲ 開箱！包裝盒內可以見到有 SIM 咭針、充電火牛、USB Type-C 線、OTG 轉接器、microUSB to Type-C 轉換器、耳機等等。
▲ 跟機火牛輸出為 9.0V / 1.67A 或 5V / 2A。
▲ 值得一提的是，跟機仲送多一個銀色的掀蓋式保護套。
▲ Galaxy Note FE 採用了 5.7 吋 2K Super AMOLED 顯示屏，而用上 Super AMOLED 優點是相對地省電。
▲ 屏幕上方會有 500 萬像素前置鏡頭以及虹膜辨識器。
▲ 屏幕下方會有支持指紋辨識的主頁鍵，左右兩方會有多工鍵以及返回鍵。
▲ 機背上方具有 1200 萬像素主鏡頭以及閃光燈。
▲ 而下方則寫上 Galaxy Note Fan Edition 的字樣。
▲ 機身右側會有開關鍵。
▲ 而機身左側則有音量鍵。雖然說加入了 S8 的 Bixby 功能，但卻沒有像 S8 一樣的快捷按鍵。
▲ 頂部會有 SIM 卡槽。
▲ 而機底會見到依然具有 3.5mm 耳機孔，這是現今手機開始被淘汰的特色。另外 Note FE 會支持 USB Type-C 連接。
▲ 當然唔少得嘅，係 Note 系列獨有的 S Pen 功能啦！
▲ 上手！雖然係 Note 系列有大芒，亦都不像 S8 一樣有窄機身，但拎上手還是覺得很舒服，單手操作能夠應付自如！
硬體配置小改，軟體功能升級！對比上代 Note7，Note FE 效能有分別？
在配置上，三星 Galaxy Note FE 亦跟上代 Note7 差不多，不過韓水就用上 Exynos 8890 處理器，內置 4GB RAM 以及 64GB ROM，不同的是三星將 Note FE 的電池，縮小至 3200mAh，同埋加入了一些 S8 才有的新功能，例如 Bixby 智能助理。另外，Galaxy Note FE 將會預載 Android 7.0，而效能同上代 Note7 相比，又有沒有分別呢？版主即刻利用跑分軟件測試一下。
▲ 配備 Exynos 8890 + 4GB RAM + 64GB ROM 的 Galaxy Note FE，安兔兔跑分結果為 131554，得出成績比起上年港版用 S820 的 Note7 跑分還要低！？雖然 CPU 方面成績係好左，但無論是 3D 還是 UX 的分數，都比起過去的差，網友又點睇呢？
▲ 值得一提的是，三星 Galaxy Note FE 加入了 S8 上的 Bixby 智能助理功能。
Samsung Galaxy Note FE 香港賣幾錢？可以 Click 呢到留意番。
查詢及鳴謝: 三禾電氣23740618 （旺角） 23740718 （銅鑼灣）