大舖清舊貨!三星旗艦劈價二千六,抵玩過 C 系手機!

左定坤 (Cho Ting Kwan) 2017-11-08 14:33 | Samsung
市面上最多人用的手機品牌,真係數來數去都係得果兩個:一係就蘋果,一係就三星,基本上呢兩個品牌,都幾乎壟斷了整個手機市場,其他品牌如 LG、HTC,想同佢哋鬥,談何容易?就以今年為例,不計 iPhone X,最多人留意的手機,應該都是三星 Galaxy Note8,同 iPhone 一樣,又係賣到幾貴都一樣有人要。想用三星旗艦,但又嫌今時今日的旗艦手機太貴,有無好的入手方法呢?有!有大舖將三星旗艦減價清貨,劈價劈足二千六,又是否入手的好機會呢?睇下文啦!

S7E(Facebook).jpg

今次版主要說的,是豐澤的「豐狂限量搶」優惠活動。好老實,版主第一眼睇完有乜優惠,第一感覺是:無乜特別抵玩的地方,尤其是手機部份,乜嘢 Moto C Plus $899,講真數字上好便宜,但問心果句,有幾多人會願意花錢買配置咁低的手機呢?有嘅,師奶唔識睇,可能會買佢。

不過,後來望多幾望,在豐澤的優惠手機之中,發覺其實相對較值得入手的,應該是三星 Galaxy S7 Edge,雖然屬於舊代旗艦機,但在性能、影相部份,還是挺令人滿意的。大舖清貨價為 $4098,豐澤優惠價只需 $3398,相比 Galaxy C9 Pro 還要便宜,採用了 5.5 吋屏幕,配備 S820 處理器,內置 4GB RAM,缺點可能是只有 32GB ROM 吧?但整體來說,似乎 S7 Edge 呢個價,買佢好過買 C 系手機,你點睇呢?

螢幕擷取畫面 (71).png

三星 Galaxy S7 Edge (32GB) 在文章發表時,豐澤清貨價為 $3398,按這裡有詳細規格及最新賣價

最新新聞