不過鄰近強國就唔同，有 13 億人口同龐大的消費力，Samsung 自然要落足心機冧大陸客。昨日 Samsung 就在北京舉行 Bixby 中國發佈會，宣佈 Bixby 今個月底正式登陸，不過香港用戶毋須太過興奮，因為支援的只有 Galaxy S8、S8+、Note 8 的大陸國行版，還有下月上市的「土豪機」心繫天下 W2018 摺機，只要更新軟件就可以正式使用 Bixby。
Samsung 還特別為大陸市場推出專屬的 Bixby 中國版 Logo，又會在稍後上映的《星球大戰：最後的絕地武士》進行宣傳。跟歐美和韓國一樣，Bixby 在大陸亦會支持語音溝通，用戶只要用把口落指令，Bixby 就可以進行翻譯、掃描物品進行識別、叫車、發送社交媒體更新等功能。Samsung 亦表明明年 Bixby 2.0 會支持更多智能識別功能，亦會加入更多物聯網的元素。
資料來源：cnbeta