限時!必買價!經典造型 三星 Android 摺機七九折賣

左定坤 (Cho Ting Kwan) 2018-03-28 14:12 | Samsung
成日話豐澤容易執平貨,但通常唔係清死貨,就係清陳列品,好多時啲手機都唔知被「輪」過幾多次,想搵一部新淨的手機,並不容易。不過衛訊就唔同,雖然唔係成日有減價,但每次推出的限時優惠,都有一定的吸引力,就好似之前限時華為 Mate 10 $3980,就相當抵玩,而且手機仲要係全新、有保架喎!難怪果陣行場,成日見到有人問起 Mate 10 啦!衛訊限時優惠,今日起又來了!這次減的是哪一部?睇下文啦!

Samsung(Facebook).jpg

從標題上,相信網友都看出了,版主說的是哪一部。「經典造型」、「三星 Android 摺機」,除咗三星 Folder 2 之外,似乎就想不到而家仲有邊部。Folder 2 雖然在國內推出了一段時間,但香港正式行貨推出,卻是今個月初的事,當時開價 $1898,其實版主覺得一點也不貴,算係值得入手。不過,由今日起至 3 / 4,衛訊推出限時優惠,進一步將 Folder 2 減價,以約七九折的價錢出售,即 $1499。這個價,會唔會更添一分吸引力呢?

不過,雖然造型設計來說係挺不錯,但版主實際使用過,發覺其實 Folder 2 並沒有想像中那麼好用。例如用 Facebook 的時候,你不能完完全全單靠實體按鍵去操作,一定要配合屏幕的 Touch Screen。而且操作似乎比起一般智能手機操作更為複雜,不過這也許是因為版主還未習慣它的使用方式吧?網友又有沒有玩過呢部機呢?

samsung-galaxy-folder-2-flip-korea.jpg

三星 Folder 2 在文章發表時,衛訊限時優惠價 $1499,按這裡有詳細規格及最新賣價

 

最新新聞