次次都清三星貨!衛訊又出招清 6GB 中階機 三千中入手 Galaxy A8+

左定坤 (Cho Ting Kwan) 2018-04-17 19:41 | Samsung
一直以來,大舖每兩個月都會轉一次信用卡 Promotion,趁機將部份的手機清貨減價。但不知是否最近比較少新機的關係,似乎三月開始都無乜再有信用卡手機優惠,減價的手機亦似乎愈來愈少。也許知道優惠少咗,衛訊而家幾乎個個星期都推限時劈價,每星期都揀一部手機平價清貨。不過,是巧合,還是有意?衛訊好似幾乎次次清貨的手機,都是三星。至少,最近呢四次都係。今次,優惠的機款是 Galaxy A8+,三千中入手係咪好抵玩呢?

A8+(Facebook).jpg

上星期就提到,衛訊將三星旗艦機款 Galaxy S8+ 64GB 清貨,只需 $4999 就可入手,優惠去到聽日。而家衛訊宣佈,又再有新優惠,由聽日起至 4 月 24 日,只要你是衛訊會員,就可以 $3598 的價錢,入手具有 6GB RAM 的中檔機 Galaxy A8+,限量 300 部,只有黑色一種顏色。不過,呢個優惠只能用現金 / EPS 付款先可以享有。

WhatsApp Image 2018-04-17 at 5.21.14 PM.jpeg

三星 Galaxy A8+,應該係繼 C 系中階機之後,另一高性價比之作,除了擁有 6 吋 18.5:9 芒之外,還配備了 Exynos 7885 八核心處理器,內置 6GB RAM 以及 64GB ROM,主相機採用 1600 萬像素 F1.7 鏡頭,而前置則用上 1600 萬像素 + 800 萬像素雙鏡頭,令自拍都做到景深效果。另外,電池亦有 3500mAh,正常使用滿足一天使用應沒大問題。這部 Galaxy A8+ 開賣以來一直很少有減價,今次衛訊一減減 $800,係咪都值得考慮呢?

三星 Galaxy A8+ 在文章發表時,衛訊限時優惠價為 $3598,按這裡有詳細規格及最新賣價

最新新聞