三星 C 系中階手機跌至 $1900 唔使
先由三星說起,講嘅中階機係 Galaxy C5 Pro,剛上市時以 $2998 開賣,已經唔算係貴,以三星手機嚟講算係性價比高。而家出咗咁耐,都係時候要清貨了,將佢減到 $1880,計起上嚟都有 63 折優惠,又算唔算抵玩呢?Galaxy C 系列旗艦主打高性價比,5.2 吋 Super AMOLED 屏,配備 S626 2.2GHz 處理器,內置 4GB RAM 以及 64GB ROM,不過電量就比較少,只有 2600mAh,同埋雖然主相機有 1600 萬像素,但質素就......。不過,$1880 呢個價錢,個人認為都有可取之處,應該都會抵玩過小米手機,係唔係呢?Nova 2i 建議零售價降低至 $2280
至於華為方面,最近佢哋都將 Nova 2i 減價,繼 5 月嘅時候減到 $2580 之後,事隔兩個月再減價至 $2280,相比原價便宜 $600。Nova 2i 定位跟最新的 P20 Lite 比較類近,採用了 5.9 吋 FHD+ 屏幕,配備 Kirin 659 處理器,內置 4GB RAM 以及 64GB ROM,並且具有 3340mAh 電池。另外,Nova 2i 亦配有「四鏡頭」,分別為 16MP + 2MP 萬像素嘅雙主鏡頭,以及 13MP + 2MP 雙前置鏡頭,無論點影都可以做到散景效果。衛訊 x 建行推優惠,最平 S660 手機係佢?
最後要講嘅係 Vivo X20,今個月開始衛訊同建設銀行合作推優惠,將 X20 由原價的 $3498 減至 $2498,減幅有 $1000,除咗有 6.01 吋大芒,仲有 S660 處理器 + 4GB / 64GB,而且電量都有 3245mAh,再加上 12MP + 5MP 雙主鏡頭,或者呢部先係近期最吸引嘅中階手機。可惜的是,X20 沒有 NFC,對於要用八達通 App 的網友,就可能唔係太方便了。以上呢幾部手機之中,你又會點揀呢?