B 餐謝安琪慘變外星人 強勁 Nokia X 相機人人都玩到
|
Nokia
雖然版主 Keith 在七日試中話過,Nokia X 用三百萬像素,無自動對焦的鏡頭得啖笑,但原來 Nokia 花咗唔少心思落去相機 App 內,就算只係得 Snapdragon S200 1GHz 雙核心加 512MB RAM,相機一樣有齊全設定,相片特效,拍片時仲可以玩埋 Video on video。想試的話只要到 XDA Developers 討論區下載對應的 APK,然後安裝就可以。提提大家始終 APK 係 Port 出嚟,有 Bugs 會 Force Close 是正常事,要求完美嘅網友就無謂令自己失望了。
▲ 最右一幅截圖用了 Video on video 模式,所有黑色部份會透出底下播放中的短片。
簡單介紹一下 Nokia X 相機,介面設計其實非常粗糙,影相介面全部用文字表達,但去到錄影介面又會出現圖示。但功能方面則十分齊全,媲美唔少中階手機。唔計 Auto,攝影模式就有 18 種,又有曝光補償、白平衡、防紅眼、飽和度、銳利度、對比度、測光區域、9 種特效,總之應有盡有(換另一說法係異常複雜)。
至於短片拍攝亦都唔簡單,由短片解像度、Time Lapse 拍攝設定、白平衡都一網打盡,最厲害是有 6 種 Funny Face 模式同 3 款類似電影特技 Green Screen 的背景特效,其中一款仲可以使用用戶的自選短片。短片拍攝穩定性一般,偶爾會有 FC 情況,不過已經比 Panorama 模式好,版主每次點擊 Panorama 都會 FC。
說好的謝安琪係時候出現了,有鑑於去年搵謝安琪測試還原美圖秀秀 App 大獲好評,今次唯有再次委屈 B 餐謝安琪示範短片拍攝的 Funny Face 的特效。
▲ 壓縮特效
▲ 大眼特效
▲ 潤腸嘴特效
▲ 櫻桃小嘴特效
▲ 大鼻成龍特效
▲ 冇眼睇特效
資料來源:xda-developers