根據傳聞消息指出，由於目前 Nokia 同 Microsoft 仲有合約關係，所以預計要到 2016 年先會推出 Nokia C1。除左之前虎仔分享的照片之外，最近亦有 Nokia C1 最新的照片在「愛搞機」的微博上曝光! 從圖片中，我地可以見到呢部 Nokia C1 會有大屏幕，不過就無主頁鍵，其外型設計上同 iPhone 4 / 4s 有少少相似。另外，Nokia C1 的金屬邊框採用了圓角設計，而機背至少會有 4 種顏色選擇，當中包括灰、粉、金以及白。
最令人感到驚喜的是，從流出的圖片顯示，Nokia C1 擁有 2 個不同的作業系統，當中包括 Android 以及 Windows 10 作業系統，到時你想用咩系統都可以隨時轉換，今日用 Android 又得，聽日用 Windows 10 都得! 不過令人擔心的是，如果真係採用雙系統的話，那相信需要更大的記憶體，否則單單只靠 1GB / 2GB RAM 相信絕對不夠用。可惜目前未有相關規格資料流出，版主我自己都好想快啲知道呢部機嘅規格如何! 對於 Nokia 回歸，你有無覺得興奮呢?
來源：BGR | 微博