Nokia 終於親自操刀出番手機，其實真係一件好值得慶賀的事，但問題係佢拎到乜成績出嚟俾網友睇？回歸咁耐淨係喺香港出左部 Nokia 6，無錯部機造工係唔差，又夠哂硬淨，但 specs 偏向入門，影相又唔出色嘛。而家個個都喺度等緊，到底 Nokia 幾時先肯拎部似樣嘅旗艦手機出嚟，即係傳聞一直講緊果部 Nokia 9 呀！不過，版主估計 Nokia 9 現身之日好快就到，而呢部 Nokia 9 日前亦在 Geekbench 資料庫現身，有 8GB RAM 分分鐘仲勁過你部電腦喎！睇下文啦！
一部代號為 Unknown Heart 的手機，近日進入了 Geekbench 資料庫，而且外媒都好確定，呢部 Unknown Heart 正正就是 Nokia 9。從資料庫中睇到嘅數據並不多，但可以見到的是，Nokia 9 將會內置 8GB RAM，配備 1.9GHz 八核心處理器，毫無疑問將會是 S835 處理器。而呢部 Nokia 9，亦將會運行 Android 7.1.1。結合埋目前針對 Nokia 9 的傳聞，Nokia 9 好大機會會配備 5.3 吋 QHD 屏幕，儲存容量有 64GB，主相機部份會用上 1300 萬像素雙鏡頭模組。如果係咁嘅配置，你又會唔會支持 Nokia 呢？
