csl. 在 Facebook 專頁，力推舊代 Nokia 8，寫到限時「七折」發售，賣價 $2898，好似好抵咁。當然，呢個價絕對係一個合理價，完全好難理解，新出果部 Sirocco 點解可以賣到 $5288 咁誇張，明明大家都係 S835，但價錢可以相差接近一倍。Nokia 8，造工係唔差嘅，但有失蔡司鏡頭之名，影相就個人不太喜歡。但 $2898 又算係吸引嘅價錢，你會考慮嗎？
不過，最令我興奮的，並不是 Nokia 8，而是紅色版本的魅族 Pro 7，而家 csl. 網店限時優惠，只需 $1439 就可以買得到。點解我會咁興奮？好老實，版主用過，Pro 7 使用體驗只是一般，所用的 MTK U，影響到系統會有少許窒機的現象。然而，得 Pro 7 先有我最心愛的紅色，當日魅族借給版主的 Demo 機，只係得黑色，令版主好快失去使用它的興趣。而家紅色賣到咁平，跌穿成本價，我就真係好有興趣...... 大家點睇?
限時優惠產品尚有 Nokia 3310 3G 以及其他配件，按這裡可以了解及購買。