賣價直逼紅米,小米有難?Nokia 6.1 Plus 明日預訂,平價兼抵玩?

左定坤 (Cho Ting Kwan) 2018-07-18 15:00 | Nokia
繼 Nokia 6.1、Nokia 7 Plus 之後,Nokia 聽日將會再在香港舉行發佈會。今次又會有甚麼新品呢?說的就是 Nokia 6.1 Plus,版主收到消息,這部新機明日 5 點 (即發佈會完結後),正式在各大零售商接受預訂,但實際開賣日期,暫時未有消息,有待 Nokia 明日的公佈。不過,版主已向大舖八到這部 Nokia 6.1 Plus 的賣價,而且以價錢來說,個人認為都幾抵玩。

Nokia(Facebook).jpg

根據大舖店員的消息,Nokia 6.1 Plus 將於明日 (19/7) 下午 5 時起接受預訂,建議零售價為 $2288,就跟 Nokia 6.1 剛上市的時候同價。也許就是因為知道 Nokia 6.1 Plus 即將現身的關係,所以大舖早前就預先將舊代 Nokia 6.1 減價,最新賣價為 $1988,為求清舊貨,入新機吧。

而以價錢來說,版主會覺得 Nokia 6.1 Plus 算是抵玩。講咗呢部 Nokia 6.1 Plus 用甚麼 specs 先,Nokia 6.1 Plus 屏幕大小相比 Nokia 6.1 略大,有 5.8 吋,配備 Qualcomm S636 處理器,香港版未知會賣 4GB + 32GB 還是 6GB + 64GB,但如果比較返大陸版的 Nokia X6 賣價,版主估計香港會賣 6GB + 64GB 的機會會比較大。

nokia-x6-china-stock-image.jpg

現時香港有賣、用上 Qualcomm S636 處理器的手機,有紅米 Note 5 以及 ASUS ZenFone 5,當中紅米 Note 5 會有兩個版本,分別為 4GB / 64GB 以及 6GB / 64GB,賣價則為 $1799 以及 $2099,假如 Nokia 6.1 Plus 香港真係會賣 6GB / 64GB 版本,那跟紅米 Note 5 只相差 $200,網友應該會揀 Nokia 6.1 Plus 而捨紅米 Note 5 吧?至於 ASUS ZenFone 5,則是目前最貴的 S636 手機,大舖減咗價都要 $3098。一較之下,其實 Nokia 6.1 Plus 呢個價,真係幾抵玩,至少仲會用原生 Android 系統吧。

網友又喜歡這部 Nokia 6.1 Plus 嗎?這部手機又是否便宜呢?留言講下你的意見吧。

Nokia 6.1 在文章發表時,大舖賣價為 $1988,按這裡有詳細規格及最新賣價
Nokia 6.1 Plus 在文章發表時,建議零售價為 $2288,按這裡有詳細規格及最新賣價
紅米 Note 5 (6GB / 64GB) 在文章發表時,建議零售價為 $2099,按這裡有詳細規格及最新賣價
ASUS ZenFone 5 在文章發表時,大舖賣價為 $3098,按這裡有詳細規格及最新賣價
 

相關產品 (1)

相關報導 (3)

又薄又輕是賣點!Nokia 6.1 Plus 跑分 + 試相出爐

又薄又輕是賣點!Nokia 6.1 Plus 跑分 + 試相出爐

Nokia6.1Plus?其實即係大陸版嘅X6。不過,正如版主阿坤之前咁講,國際版6.1Plus跟大陸版都係一樣:無NFC。比較好笑嘅係,Nokia話FM收音機是用家要求,所以加番落去,咁又係嘅,係香港收到嘅FM都比大陸台霸晒,無NFC咪用QRCode支付寶,微信支付....講咗咁多,你都唔介意,咁其實Nokia6.1Plus都係一部又薄又輕嘅手機,最重要係,好似其他Nokia手機咁,你要嘅情懷,唔駛好貴就擁有得到。情懷唔食得,最緊要好用,今次透過跑分,試相話

Keith Yim | 2018-07-23
Nokia 6.1 Plus 賣價、上市資訊全曝光!國際版有無 NFC 是重點?

Nokia 6.1 Plus 賣價、上市資訊全曝光!國際版有無 NFC 是重點?

尋晚版主就同大家講過,Nokia今日會喺香港發表最新嘅中階手機Nokia6.1Plus,規格唔算差之餘,性價比亦相當高。關於呢部手機嘅價錢,版主已經爆過畀大家知,而網友最關心嘅,係到底國際版會唔會加番NFC落去,要知道NFC係大陸未必重要,但係香港就非常重要。到底官方點講?睇下文啦!

左定坤 (Cho Ting Kwan) | 2018-07-19
賣價直逼紅米!Nokia 6.1 Plus 明日預訂,平夾抵玩?

賣價直逼紅米!Nokia 6.1 Plus 明日預訂,平夾抵玩?

繼Nokia6.1、Nokia7Plus之後,Nokia聽日將會再在香港舉行發佈會。今次又會有甚麼新品呢?說的就是Nokia6.1Plus,版主收到消息,這部新機明日5點(即發佈會完結後),正式在各大零售商接受預訂,但實際開賣日期,暫時未有消息,有待Nokia明日的公佈。不過,版主已向大舖八到這部Nokia6.1Plus的賣價,而且以價錢來說,個人認為都幾抵玩。

左定坤 (Cho Ting Kwan) | 2018-07-18

最新新聞